ព័ត៌មានអន្ដរជាតិ

ឆេះនាវាដឹកទំនិញនៅកាណាដាធ្លាយឧស្ម័នពុលចូលទឹកសមុទ្រ

បានផុស

៥ years មុន

នៅ

ថ្ងៃចន្ទ ២៥ តុលា ២០២១

ដោយ

ក្រុមការពារសមុទ្រកាណាដាបានជម្លៀសមនុស្ស១៦នាក់ចេញពីនាវាកុងតឺន័រដែលភ្លើងឆេះបណ្តាលឲ្យចេញធ្លាយឧស្ម័នជាតិពុលចូលទឹកសមុទ្រប៉ាស៊ីហ្វិករបស់ប្រទេសកាណាដា ប៉ុន្តែមិនមានហានិភ័យដល់សុវត្ថិភាពមនុស្សនៅតាមឆ្នេរទាំងនោះទេ។

យោងតាមក្រុមតាមដានចរចារណ៍សមុទ្រ Marine Traffic បានឲ្យដឹងថា នាវាបានចេញដំណើរពីទីក្រុង Victoria ក្នុងខេត្ត British Columbia ដែលជាតំបន់ដែនសមុទ្រ Juan de Fuca រវាងព្រំដែនប្រទេសកាណាដា និងសហរដ្ឋអាមេរិក។

តាមសារព័ត៌មាន CBC News បានផ្សាយថា នាវាធ្វើដំណើរឆ្ពោះទៅទីក្រុង Vancouver នៅពេលអគ្គីភ័យបានចាប់ផ្តើមឆាប់ឆេះ វេលាម៉ោង១១ល្ងាច ម៉ោងក្នុងស្រុកកាលពីថ្ងៃសៅរ៍។

ឆ្មាំសមុទ្រកាណាដាបាននិយាយនៅក្នុងការព្រមានពីការរុករកលើវេបសាយរបស់ខ្លួនថា ៖«នាវាបានឆេះ និងកំពុងចេញឧស្ម័នពុល»។

ក្រោយមកសេចក្តីប្រកាសមួយពីក្រុមឆ្មាំសមុទ្រដែលបានចេញនៅលើ Twitter ថា មនុស្ស១៦ឆ្នាំត្រូវបានជម្លៀសចេញពីនាវា Zim Kingston បន្ទាប់ពីភ្លើងបានឆាប់ឆេះ១០កុងតឺន័រ។

សេចក្តីប្រកាសកាលពីព្រឹកថ្ងៃអាទិត្យថា ៖«អគ្គីភ័យកំពុងបន្តឆេះ ហើយក្រុមគ្រប់គ្រងឧបទ្ទវហេតុមួយត្រូវបានបង្កើតឡើង។ ក្រុមការងារបានកំពុងចលាល័តដើម្បីពន្លត់អគ្គីភ័យ ហើយបានរកឃើញកុងតឹន័រដែលបានដាច់ចេញពីនាវា។

សេចក្តីប្រកាសថា ៖«ឥឡូវនេះ គ្មានហានិភ័យអំពីសុវត្ថិភាពដល់មនុស្សនៅឆ្នេរទេ តែយ៉ាងណា ស្ថានភាពនៅតែត្រូវបានបន្តតាមដាន»។