ព័ត៌មានអន្ដរជាតិ
កុមារតូចដែលទាហានអាមេរិកទទួលឯរបងព្រលានយន្តហោះកាប៊ុលនៅតែមិនដឹងនៅទីណា
កុមារតូចដែលត្រូវគ្រួសារបានហុចទៅឲ្យទាហានអាមេរិកក្នុងពេលកំពុងមានភាពវឹកវរនៅព្រលានយន្តហោះកាប៊ុល ក្នុងប្រទេសអាហ្វហ្គានីស្ថានកាលពីខែសីហារហូតដល់ពេលនេះនៅតែកំពុងបាត់ខ្លួន។
លោក Mirza Ali Ahmadi និងភរិយាឈ្មោះ Suraya ព្រមទាំងកូន៥នាក់កាលពីថ្ងៃទី១៩ ខែសីហា បានស្ថិតនៅក្នុងភាពវឹកវរនៃហ្វូងមនុស្សច្រើនខាងក្រៅច្រកទ្វារចូលព្រលានយន្តហោះកាប៊ុល ក្នុងប្រទេសអាហ្វហ្គានីស្ថានដើម្បីជម្លៀសខ្លួនចេញ។ ពេលនោះ ទាហានអាមេរិកដនៅផ្នែករបងម្ខាងបានសួរថា តើពួកគាត់ត្រូវការជួយទេ។
ដោយសារភ័យខ្លាចកុមារអាយុ២ខែឈ្មោះ Sohail បុក ឬប៉ះទង្គិចបណ្តាលឲ្យគ្រោះថ្នាក់ ពួកគាត់បានហុចកូនពៅទៅឲ្យទាហាន ដោយគិតថា ពួកគេនឹងបានឆ្លងរបងទៅយកកូនវិញឆាប់ដែលពេលនោះមានចម្ងាយពីគ្នាតែ៥ម៉ែត្រ។
ប៉ុន្តែភ្លាមនោះ Mirza Ali បាននិយាយថា តាលីបង់បានចាប់ផ្តើមរុញច្រានហ្វូងមនុស្សរាប់រយនាក់ឲ្យថយក្រោយវិញ។ ក្រុមគ្រួសារបានចំណាយពេលជាងកន្លះម៉ោងទើបអាចឆ្លងរបងទៅផ្នែកម្ខាងបាន។ នៅពេលពួកគេទៅដល់ខាងក្នុង ពួកគេរកមិនឃើញកូន Sohail ទេ។
លោក Mirza Ali ដែលធ្វើការជាសន្តិសុខនៅស្ថានទូតអាមេរិករយៈពេល១០ឆ្នាំបានចាប់ផ្តើមសាកសួរមនុស្ស និងមន្ត្រីគ្រប់ទីកន្លែងអំពីកូនតូច។ លោកនិយាយថា មេយោធាម្នាក់ប្រាប់ថា ព្រលានយន្តហោះគ្រោះថ្នាក់ណាស់សម្រាប់កុមារតូច និងថា ប្រហែលជាគេយកទៅទុកកន្លែងពិសេសសម្រាប់កុមារហើយមើលទៅ។ ប៉ុន្តែនៅពេលពួកគាត់ទៅដល់កន្លែងពិសេសនោះ ក៏អត់ឃើញ។
លោក Mirza Ali បាននិយាយដោយមានអ្នកបកប្រែថា ៖«មេយោធាម្នាក់នោះបានដើរជាមួយខ្ញុំនៅព្រលានយន្តហោះដើម្បីរកគ្រប់ទីកន្លែង»។ លោកនិយាយថា លោកមិនបានស្គាល់ឈ្មោះមេយោធាម្នាក់នោះទេ ពីព្រោះលោកអត់ចេះនិយាយភាសាអង់គ្លេស ហើយមានតែអ្នកស្គាល់អាហ្វហ្គានីស្ថានពីស្ថានទូតជួយក្នុងការទំនាក់ទំនង។
លោកនិយាយថា ៖«ខ្ញុំបានសួរមនុស្សជាង២០នាក់។ គ្រប់មន្ត្រី យោធា ឬជនស៊ីវិល ខ្ញុំបានដើរសួរអស់ហើយរកកូនខ្ញុំ»។ មន្ត្រីនិយាយថា គាត់បាននិយាយថា Sohail ប្រហែលជាត្រូវបានគេជម្លៀសចេញទៅហើយ។ «ពួកគាត់និយាយថា យើងមិនមានធន់ធនដើម្បីរក្សាកូននៅទីនេះទេ»។
លោក Mirza Ali អាយុ៣៥ឆ្នាំ និងប្រពន្ធ Suraya អាយុ៣២ឆ្នាំ មានកូន៤នាក់នៅជាប់ជាមួយគឺអាយុ១៧ឆ្នាំ ៩ឆ្នាំ ៦ឆ្នាំ និង៣ឆ្នាំ បានឡើងយន្តហោះចម្លៀសចេញទៅកាន់ប្រទេសកាតារ ហើយបន្ទាប់មកទៅប្រទេសអាល្លឺម៉ង់ និងចុងក្រោយបានទៅដល់សហរដ្ឋអាមេរិក។ គ្រួសារឥឡូវនេះស្ថិតនៅ Fort Bliss ក្នុងរដ្ឋតិចសាស ជាមួយជនជាតិអាហ្វហ្គានីស្ថានផ្សេងទៀត។
លោក Mirza Ali និយាយថា ចាប់តាំងពីបាត់កូនពៅតូចនោះមក មានមនុស្សជាច្រើន មានទាំងបុគ្គលិកសប្បុរសធម៌ មន្ត្រីអាមេរិកបានជួរនាំលោកពីកូន Sohail ហើយពួកគេសន្យាជួយរកអស់ពីលទ្ធភាព ប៉ុន្តែពីមួយថ្ងៃទៅមួយថ្ងៃអត់មានដំណឹងអ្វីសោះ៕
ប្រែវសម្រួល៖ វីរបុត្រ
ប្រភព៖ reuters
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)