បែកធ្លាយឯកសារថ្មី អាមេរិក បញ្ជូនមេរោគស្រដៀងនឹង កូវីដ ទៅកាន់មន្ទីរពិសោធន៍ក្រុងអ៊ូហាន

អង្គការសុខភាព EcoHealth Alliance ដែលមានមូលដ្ឋាននៅសហរដ្ឋអាមេរិកបានបញ្ជូនសំណាកមេរោគដែលបានរកឃើញនៅក្នុងប្រចៀវប្រទេសឡាវនៅចន្លោះខែមិថុនា ឆ្នាំ ២០១៧ ដល់ខែឧសភា ឆ្នាំ ២០១៩ សម្រាប់ការសិក្សានៅវិទ្យាស្ថានមេរោគក្រុងអ៊ូហាន ។

អ៊ីមែលដែលទទួលបាន បាននិយាយថា មេរោគពី “ប្រចៀវ និងប្រភេទសត្វដែលមានហានិភ័យខ្ពស់” ត្រូវបានផ្ញើទៅសម្រាប់ការសិក្សានេះ ។ ក្រោយមកទៀតវាត្រូវបានគេប្រើដើម្បីសិក្សាពីលទ្ធភាពនៃមេរោគដែលមានដើមកំណើតពីសត្វទាំងនេះឆ្លងមកមនុស្ស ។

មេរោគប្រចៀវឡាវដែលអង្គការសុខភាព EcoHealth Alliance បញ្ជូនទៅកាន់មន្ទីរពិសោធន៍ក្រុងអ៊ូហានដែលត្រូវបានគេស្គាល់ក្រោមឈ្មោះ Banal-52 បានបង្ហាញភាពស្រដៀងគ្នា ៩៦.៨ ភាគរយនៅក្នុងលំដាប់ហ្សែនរបស់វាទៅនឹងវីរុស SARS-CoV-2 ដែលជាភ្នាក់ងារបង្កជំងឺកូវីដ ១៩ បណ្តាលឲ្យមានការរាតត្បាតទូទាំងពិភពលោក ។

ជាមួយនឹងភាពស្រដៀងគ្នា ៩៦.៨ ភាគរយមេរោគ Banal-52 គឺជាប់ពាក់ព័ន្ធទៅនឹងវីរុស SARS-CoV-2 ជាងមេរោគមួយចំនួនដែលរកឃើញនៅក្នុងរូងសត្វប្រចៀវចិន ដែលត្រូវបានសិក្សានៅមន្ទីរពិសោធន៍ក្រុងអ៊ូហានផងដែរ ។

គួរបញ្ជាក់ថា ការស្រាវជ្រាវរបស់អង្គការសុខភាព EcoHealth Alliance ត្រូវបានផ្តល់មូលនិធិដោយវិទ្យាស្ថានជាតិអាឡ័កស៊ី និងជំងឺឆ្លង (NIAID) ហើយការស្រាវជ្រាវបែបនេះត្រូវបានចាត់ទុកថាគ្រោះថ្នាក់ដោយអ្នកឯកទេស ដោយសារតែលទ្ធភាពនៃការបញ្ចេញមេរោគដែលមានការចម្លងខ្លាំង និងកំពុងសម្លាប់មនុស្សលើពិភពលោក ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ នាវា រុស្ស៊ី ដឹកប្រេង ២ លានបារ៉ែលទៅ អាមេរិក ដោយកម្រ