ព័ត៌មានអន្ដរជាតិ

នាវា រុស្ស៊ី ដឹកប្រេង ២ លានបារ៉ែលទៅ អាមេរិក ដោយកម្រ

បានផុស

៥ years មុន

នៅ

ថ្ងៃអាទិត្យ ២១ វិច្ឆិកា ២០២១

ដោយ

យោងតាមទិន្នន័យតាមដានទំនិញដែលដកស្រង់ដោយសារព័ត៌មាន Bloomberg បានឲ្យដឹងថា នាវាដឹកប្រេងរុស្ស៊ីចំនួន ៤ គ្រឿងដែលពោរពេញទៅដោយប្រេងម៉ាស៊ូតចំនួន ២ លានបារ៉ែលបានចេញដំណើរទៅកាន់ឆ្នេរសមុទ្រភាគខាងកើតសហរដ្ឋអាមេរិក ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សារព័ត៌មាន Bloomberg បានដកស្រង់សម្ដីពីអ្នកជំនាញម្នាក់ដោយកត់សម្គាល់ថា វាជារឿងកម្រណាស់ដែលបានឃើញ “បរិមាណដ៏ធំនេះមកដល់ឆ្នេរខាងកើត” របស់សហរដ្ឋអាមេរិក ។

ពាក់ព័ន្ធនឹងបញ្ហានេះ អ្នកនាំពាក្យសេតវិមានលោកស្រី Jen Psaki មិនបានផ្តល់ព័ត៌មានលម្អិតអំពីចំណាត់ការដ៏មានសក្ដានុពលណាមួយនោះទេ ។

លោកស្រី Psaki បានប្រាប់សន្និសីទសារព័ត៌មានមួយថា “យើងបានទាក់ទងជាមួយមន្ត្រី និងមេដឹកនាំជាច្រើនមកពីប្រទេសនានា រួមទាំងប្រទេសចិន រួមទាំងប្រទេសផ្សេងទៀតនៅជុំវិញពិភពលោកផងដែរ ដែលជាអ្នកផលិតប្រេង អំពីការធានាឲ្យមានការផ្គត់ផ្គង់គ្រប់គ្រាន់នៅទីនោះ” ។

គួរបញ្ជាក់ថា បច្ចុប្បន្ន ទីក្រុងវ៉ាស៊ីនតោនកំពុងឈានដល់ការប្រើប្រាស់ប្រេងធំជាងគេមួយចំនួនរបស់ពិភពលោក រួមទាំងប្រទេសចិន ឥណ្ឌា ជប៉ុន និងកូរ៉េខាងត្បូង ៕