ព័ត៌មានអន្ដរជាតិ
ប្រធានាធិបតី ប៊ុលហ្គារី បន្តជាប់ឆ្នោតអាណត្តិថ្មី ក្រោមពាក្យស្លោកថា “គ្មានអំពើពុករលួយ”
ប្រធានាធិបតីប៊ុលហ្គារី លោក Rumen Radev បានឈ្នះការបោះឆ្នោតរបស់ខ្លួន កាលពីថ្ងៃអាទិត្យ ខណៈអ្នកបោះឆ្នោត បានគាំទ្រសារប្រឆាំងអំពើពុករលួយដ៏ខ្លាំងក្លារបស់លោក ។
លោក Radev អាយុ ៥៨ ឆ្នាំបានយកឈ្នះគូប្រជែងរបស់លោកឈ្មោះ Anastas Gerdzhikov ដែលមានអាយុ ៥៨ ឆ្នាំដូចគ្នា ដោយឈ្នះ ៦៦ ភាគរយទៅ ៣២ ភាគរយ នៅក្នុងការបោះឆ្នោតជ្រើសរើសប្រធានាធិបតី បន្ទាប់ពីស្ទើរតែឈ្នះទាំងស្រុងនៅក្នុងជុំទី ១ កាលពីថ្ងៃទី ១៤ ខែ វិច្ឆិកា នេះបើយោងតាមការស្ទង់មតិ ដែលបានចុះឈ្មោះផងដែរនូវកំណត់ត្រាអ្នកបោះឆ្នោតទាប។
ការបោះឆ្នោតនេះ កើតឡើងចំពេលមានការមិនសប្បាយចិត្តទូទាំងប្រទេស ប្រឆាំងនឹងអំពើពុករលួយកម្រិតខ្ពស់ ដែលបានបញ្ចប់ការគ្រប់គ្រងរយៈពេលមួយទសវត្សរ៍ របស់អតីតនាយករដ្ឋមន្ត្រី Boyko Borissov ក្នុងខែ មេសា និងបានដឹកនាំគណបក្សប្រឆាំងអំពើពុករលួយថ្មីមួយ ដើម្បីទទួលជ័យជម្នះ នៅក្នុងការបោះឆ្នោតសភាកាលពីសប្ដាហ៍មុន។
ក្រោយឈ្នះឆ្នោតប្រធានាធិបតីរូបនេះបាននិយាយថា” ខែនយោបាយដែលមិនធ្លាប់មានពីមុនមក ជាមួយនឹងការបោះឆ្នោតពីរប្រភេទត្រូវបានបញ្ចប់។ នោះបានបង្ហាញយ៉ាងច្បាស់ ពីបំណងប្រាថ្នារបស់ប្រជាជនសម្រាប់ការផ្លាស់ប្ដូរ ការបំបែកជាមួយនឹងអំពើពុករលួយ ការប្លន់ និងភាពខុសច្បាប់ និងការដកក្រុមម៉ាហ្វីយ៉ាចេញពីអំណាច” ។
គួរបញ្ជាក់ថា Radev ជាអតីតមេបញ្ជាការកងទ័ពអាកាស ទទួលបានប្រជាប្រិយភាពសម្រាប់ការគាំទ្របើកចំហរបស់លោកចំពោះការតវ៉ាប្រឆាំងអំពើពុករលួយដ៏ធំ ប្រឆាំងនឹង Borissov ក្នុងឆ្នាំ ២០២០ និងសម្រាប់ការតែងតាំងរដ្ឋាភិបាលបណ្ដោះអាសន្ន ដែលនាំមកនូវការបំភ្លឺដល់កិច្ចព្រមព្រៀងលទ្ធកម្មសាធារណៈនៃគណៈរដ្ឋមន្ត្រីកណ្ដាលស្កាំចុងក្រោយរបស់ Borissov ។
លោក Daniel Smilov អ្នកវិភាគនយោបាយនៅមជ្ឈមណ្ឌលសម្រាប់យុទ្ធសាស្ត្រសេរី បានមានប្រសាសន៍ថា “ការឈ្នះរបស់ Radev បញ្ជាក់ឡើងវិញនូវបំណងប្រាថ្នាសម្រាប់ការផ្លាស់ប្ដូរ នៅក្នុងប្រទេសប៊ុលហ្គារី។ ការបោះឆ្នោតឡើងវិញរបស់គាត់នឹងជួយសម្រួលដល់ការបង្កើតរដ្ឋាភិបាលចម្រុះ” ។
លោក Radev រៀនចប់នៅសាកលវិទ្យាល័យ Harvard និងត្រូវបានតែងតាំងកាលពីខែឧសភា ជារដ្ឋមន្ត្រីបណ្តោះអាសន្ន ចាប់តាំងពីពេលនោះមក លោកបានបង្កើតគណបក្ស We Continue The Change (PP) ដែលបានឈ្នះការបោះឆ្នោតជាតិលើកទី ៣ របស់ប្រទេសប៊ុលហ្គារី នៅឆ្នាំនេះ នៅថ្ងៃទី ១៤ ខែវិច្ឆិកា ដោយសន្យាថា “គ្មានអំពើពុករលួយ” ។
Radev ត្រូវបានគាំទ្រដោយគូប្រជែងនយោបាយរបស់ Borissov – PP, សង្គមនិយម និងគណបក្សប្រឆាំងឥស្សរជន ITN ដែលរួមជាមួយក្រុមប្រឆាំងអំពើពុករលួយផ្សេងទៀត កំពុងធ្វើកិច្ចពិភាក្សាដើម្បីបង្កើតរដ្ឋាភិបាលចម្រុះ។ នៅក្នុងពាក្យដំបូងរបស់គាត់ បន្ទាប់ពីការបោះឆ្នោត Radev បាននិយាយទៅកាន់ភាគីនានា ដោយជំរុញឲ្យពួកគេបង្កើតរដ្ឋាភិបាលដែលកំពុងកាន់អំណាច និងចាប់ផ្ដើមកំណែទម្រង់ប្រព័ន្ធតុលាការ ប្រយុទ្ធប្រឆាំងនឹងការរាតត្បាតនៃមេរោគឆ្លង និងចាត់វិធានការដើម្បីការពារជនងាយរងគ្រោះ ពីការចំណាយថាមពលខ្ពស់ផ្សេងៗ៕
ប្រែសម្រួល៖ សាង ស្រីល័ក្ខ
-
ព័ត៌មានអន្ដរជាតិ៣ ថ្ងៃ ago
កម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
-
KPT+២ ថ្ងៃ ago
ខ្លះៗពីទិវាកុហក ១ មេសា ឬ April Fools’ Day
-
ព័ត៌មានជាតិ៣ ថ្ងៃ ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
ចរាចរណ៍៥ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ២ ថ្ងៃ ago
ក្រុមហ៊ុនអ្នកឧកញ៉ា គិត ម៉េង ប្រកាសបង្កើតតំបន់សេដ្ឋកិច្ចពិសេសថ្មីមួយទៀតនៅខេត្តកណ្តាល
-
ព័ត៌មានអន្ដរជាតិ១ ថ្ងៃ ago
អ៊ីស្រាអែល វាយប្រហារកម្ទេចស្ថានកុងស៊ុលអ៊ីរ៉ង់ សម្លាប់ទាំងមេទ័ពកំពូល
-
ព័ត៌មានអន្ដរជាតិ១ សប្តាហ៍ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore
-
ព័ត៌មានជាតិ១ សប្តាហ៍ ago
ផ្លូវប្របមាត់ព្រែកពីគល់ស្ពានថ្មីដល់ស្ពានចាស់ រួមជាមួយសួនកម្សាន្ត និងលេចរូបរាងឆាប់ៗក្នុងខេត្តកំពត