ព័ត៌មានអន្ដរជាតិ

អវកាសយានិក ចិន ៣ រូប ទទួលបានមេដាយកិត្តិយសនិងពានរង្វាន់ ក្រោយបំពេញបេសកកម្ម នៅលំហអាកាស

បានផុស

១០ ខែ មុន

នៅ

ថ្ងៃពុធ ២៤ វិច្ឆិកា ២០២១

ដោយ

អវកាសយានិក ៣ រូបនៃបេសកកម្មហោះហើរអវកាស Shenzhou-12 នឹងទទួលបានមេដាយ សម្រាប់ការបម្រើរបស់ពួកគេ ដល់កិច្ចខិតខំប្រឹងប្រែងអវកាសរបស់ប្រទេសចិន នេះបើតាមគណៈកម្មាធិការកណ្តាលនៃបក្សកុម្មុយនិស្តចិន ក្រុមប្រឹក្សារដ្ឋ និងគណៈកម្មាធិការយោធាកណ្ដាលបានប្រកាសរួមគ្នាកាលពីថ្ងៃអង្គារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនោះមានលោក Nie Haisheng មេបញ្ជាការយានអវកាស Shenzhou-12 នឹងត្រូវបានផ្ដល់កិត្តិយសជាមួយនឹងមេដាយសមិទ្ធផលអវកាសលំដាប់ទីមួយ។ លោក Liu Boming ទទួលបានមេដាយសមិទ្ធផលលំហអាកាសលំដាប់ទីពីរ និងលោក Yang Hongbo នឹងត្រូវបានផ្ដល់មេដាយថ្នាក់ទីបី រួមទាំងពានរង្វាន់កិត្តិយស នៃវីរបុរសអវកាសយានិក។

អ្នកអវកាសយានិកទាំង ៣ នាក់ ត្រូវបានបញ្ជូនទៅកាន់ទីអវកាស និងចូលក្រុង Tianhe កាលពីថ្ងៃទី ១៧ ខែ មិថុនា។ ក្រុមនាវិកបានធ្វើសកម្មភាពក្រៅប្រព័ន្ធពីរដងក្នុងមួយថ្ងៃ ក្នុងរយៈពេល៩០ ថ្ងៃកន្លងមក ដែលជាកំណត់ត្រាថ្មីមួយសម្រាប់ការស្នាក់នៅក្នុងលំហអាកាសយូរបំផុត ក្នុងការហោះហើរតែមួយសម្រាប់អវកាសយានិកចិន។

គួរបញ្ជាក់ថា នាវិកដំបូងគេដែលត្រូវបានបញ្ជូនទៅកាន់គន្លង សម្រាប់ការសាងសង់ស្ថានីយ៍អវកាស អ្នកទាំងបីបានបញ្ចប់បេសកកម្មរយៈពេលបីខែរបស់ពួកគេ ហើយបានវិលត្រឡប់មកផែនដីវិញ ដោយសុវត្ថិភាព នៅថ្ងៃទី ១៧ ខែ កញ្ញា៕

ប្រែសម្រួល៖ សាង ស្រីល័ក្ខ

ប្រភព៖CGTN

ចុចអាន៖លោក ស៊ី ជីនពីង ឲ្យពន្លឿនការអភិវឌ្ឍន៍ប្រព័ន្ធដឹកជញ្ជូនយោធា កម្រិតខ្ពស់