ព័ត៌មានអន្ដរជាតិ
លិចទូកដឹកជនភៀសខ្លួន ស្លាប់មនុស្ស៣១នាក់ នៅដៃសមុទ្រ អង់គ្លេស
ជនភៀសខ្លួននិងជនចំណាកស្រុកយ៉ាងតិច ៣១នាក់ បានស្លាប់ ខណៈព្យាយាមឆ្លងកាត់ដៃសមុទ្រអង់គ្លេស (English Channel) ចេញពីប្រទេសបារាំង នៅពេលទូករបស់ពួកគេ លិចនៅឆ្នេរសមុទ្រភាគខាងជើងទីក្រុង Calais។
ប្រតិបត្តិការរួមគ្នារវាងបារាំង និងអង់គ្លេស ដើម្បីស្វែងរកអ្នកនៅរស់រានមានជីវិតបានធ្វើឡើងកាលពីល្ងាចថ្ងៃពុធ។ អាជ្ញាធរក្នុងតំបន់និយាយថា យ៉ាងហោចណាស់មានទូកចំនួនបី និងឧទ្ធម្ភាគចក្រ បីគ្រឿង ត្រូវបានដាក់ពង្រាយដើម្បីចូលរួមក្នុងការស្វែងរក។
ទីភ្នាក់ងារចំណាកស្រុករបស់អង្គការសហប្រជាជាតិ IOM បានហៅឧបទ្ទវហេតុនេះថាជាការបាត់បង់ជីវិតដ៏ធំបំផុតនៅដៃសមុទ្រ Channel ចាប់តាំងពីខ្លួន ចាប់ផ្តើមប្រមូលទិន្នន័យនៅក្នុងឆ្នាំ២០១៤មក។
ប្រធានាធិបតីបារាំង លោក Emmanuel Macron បានប្រកាសថា យ៉ាងហោចណាស់មនុស្ស ៣១នាក់បានស្លាប់ ហើយនិយាយថា ប្រទេសរបស់លោកនឹងមិនអនុញ្ញាតឲ្យដៃសមុទ្រ Channel ក្លាយជាទីបញ្ចុះសពឡើយ។
ស្របពេលជាមួយគ្នានោះដែរ រដ្ឋមន្ត្រីក្រសួងមហាផ្ទៃបារាំង លោក Gerard Darmanin បាននិយាយថា ស្ត្រី៥នាក់ និងក្មេងស្រីម្នាក់ ស្ថិតក្នុងចំណោមអ្នកស្លាប់ទាំង ៣១នាក់ ខណៈមនុស្សពីរនាក់ត្រូវបានជួយសង្គ្រោះ។ ប៉ូលិសបារាំងបានចាប់ខ្លួនមនុស្សបួននាក់ ដែលសង្ស័យថាជាប់ពាក់ព័ន្ធនឹងហេតុការណ៍នេះ។
យោងតាមអាជ្ញាធរបារាំង មនុស្សចំនួន៣១,៥០០នាក់ បានព្យាយាមចាកចេញទៅកាន់ប្រទេសអង់គ្លេសចាប់តាំងពីដើមឆ្នាំនេះ ហើយមនុស្ស៧,៨០០នាក់ ត្រូវបានជួយសង្គ្រោះនៅឯសមុទ្រ ដែលនេះជាតួលេខកើនឡើងទ្វេដងចាប់តាំងពីខែសីហាមក។
មនុស្ស៧នាក់ត្រូវបានគេបញ្ជាក់ថា ស្លាប់ឬនៅតែបាត់ខ្លួន បន្ទាប់ពីឧប្បត្តិហេតុផ្សេងគ្នាក្នុងឆ្នាំនេះ៕
ប្រែសម្រួល៖ Vann Vann
ប្រភព៖ Al Jazeera
ចុចអាន៖ ជនអន្តោប្រវេសន៍ខុសច្បាប់ជាង ២៤០ នាក់ត្រូវបានជួយសង្គ្រោះនៅឯឆ្នេរសមុទ្រលីប៊ី

-
ព័ត៌មានជាតិ៦ ថ្ងៃ ago
កម្ពុជានឹងមិនដកថយឬឈរជើងដោយគ្មានអាវុធនៅចំណុចប៉ះទង្គិចគ្នាទេ
-
ព័ត៌មានជាតិ៥ ថ្ងៃ ago
នាយករដ្ឋមន្ត្រីថាអាវុធដែលដាក់ទៅត្រៀមមិនមែនមានតែប៉ុន្មានដែលឱ្យឃើញលើបណ្ដាញសង្គមទេ
-
នយោបាយ៥ ថ្ងៃ ago
ព្រឹត្តិការណ៍ថ្ងៃ២៨ ឧសភា សម្ដេចធិបតីបញ្ជារួចហើយបើថៃមិនថយ «វ៉ៃ»
-
ព័ត៌មានជាតិ៧ ថ្ងៃ ago
អាជ្ញាធរខេត្តព្រះវិហារជម្លៀសពលរដ្ឋពីតំបន់ជួរមុខទៅកាន់ទីកន្លែងសុវត្ថិភាព
-
ព័ត៌មានជាតិ១ សប្តាហ៍ ago
អ្នកនាំពាក្យថាកម្ពុជាកំពុងមានចំណាត់ការលើករណីថៃចូលបាញ់ដែលធ្វើឱ្យស្លាប់ទាហានខ្មែរ
-
សេចក្ដីជូនដំណឹង៥ ថ្ងៃ ago
ការបើកឱ្យទស្សនាលើកដំបូងបង្អស់នូវសាលារៀនអន្តរជាតិ អាយុកាល ៣៥០ឆ្នាំ មកពីចក្រភពអង់គ្លេស
-
សន្តិសុខសង្គម៧ ថ្ងៃ ago
សមត្ថកិច្ចចុះបង្ក្រាបសង្វៀនជល់មាន់មួយកន្លែង ឃាត់ខ្លួនមនុស្សបាន១១នាក់
-
ព័ត៌មានជាតិ៦ ថ្ងៃ ago
វិទ្យាល័យព្រះសីហនុ ក្នុងខេត្តកំពង់ចាម ត្រូវបានទទួលស្គាល់គុណភាពអប់រំកម្រិតអន្តរជាតិ