Connect with us

ព័ត៌មានអន្ដរជាតិ

សិង្ហបុរី ដាក់ កម្ពុជា ក្នុងបញ្ជីចូលប្រទេស មិនចាំបាច់ធ្វើចត្តាឡីស័ក

បានផុស

នៅ

អាជ្ញាធរអាកាសចរណ៍ស៊ីវិលសិង្ហបុរី (CAAS) បានប្រកាសនៅថ្ងៃសុក្រទី២៦ខែវិច្ឆិកានេះថា ប្រទេសសិង្ហបុរីនឹងពង្រីកផ្លូវធ្វើដំណើរសម្រាប់អ្នកចាក់វ៉ាក់សាំងរួច (VTL) ចំពោះប្រទេសចំនួន៦បន្ថែមទៀត នៅខែក្រោយនេះ។

ចាប់ពីថ្ងៃទី១៤ខែធ្នូទៅ អ្នកដំណើរមកពីប្រទេសថៃ អាចចូលប្រទេសសិង្ហបុរីបាន ក្រោមគម្រោង VTL ដែលមិនតម្រូវឲ្យធ្វើចត្តាឡីស័ក។

ទន្ទឹមនោះ អ្នកធ្វើដំណើរចេញពីប្រទេសកម្ពុជា ហ្វីជី ម៉ាល់ឌីវ ស្រីលង្កា និងតួកគី ក៏អាចធ្វើដូច្នេះបានដែរចាប់ពីថ្ងៃទី១៦ខែធ្នូទៅ។

ការពង្រីកចុងក្រោយនេះ នឹងបង្កើនចំនួនប្រទេសដែលសិង្ហបុរី រៀបចំក្នុងគម្រោង VTL ឡើងដល់២៧។

CAAS និយាយថា មុនផ្ទុះជំងឺរាតត្បាតកូវីដ១៩ ប្រទេសទាំង២៧នេះ បានរួមចំណែកដល់ប្រហែល៦០ភាគរយនៃការមកដល់ប្រចាំថ្ងៃសរុប នៅ​ឯអាកាសយានដ្ឋាន Changi។

អាជ្ញាធរនិយាយថា “ការបន្ថែមចុងក្រោយនេះ នឹងពង្រីកបណ្តាញរបស់ Changi កាន់តែទូលំទូលាយ ហើយជួយស្រោចស្រង់និងស្តារឡើងវិញ នូវឋានៈរបស់ប្រទេសសិង្ហបុរីជាមជ្ឈមណ្ឌលអាកាសចរណ៍អន្តរជាតិ ជាមួយនឹងការតភ្ជាប់ជាសកល”។

គួរបញ្ជាក់ថា នៅក្រោមគម្រោង VTL, អ្នកធ្វើដំណើរបានចាក់វ៉ាក់សាំងពេញលេញនៅលើជើងហោះហើរ VTL ដែលបានកំណត់ អាចចូលប្រទេសសិង្ហបុរីបានដោយមិនចាំបាច់ធ្វើចត្តាឡីស័ក។ ពួកគេគ្រាន់តែតម្រូវឲ្យឆ្លងកាត់ការធ្វើតេស្តរកកូវីដប៉ុណ្ណោះ៕

ប្រែសម្រួល៖ Vann Vann

ប្រភព៖ CNA

ចុចអាន៖ ប្រទេសអាស៊ីអាគ្នេយ៍ ហាមឃាត់អ្នកដំណើរមកពីអាហ្វ្រិក ខ្លាចនាំវីរុសបំប្លែងខ្លួនសាហាវប្រភេទថ្មី

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម