ព័ត៌មានអន្ដរជាតិ

អគ្គិភ័យឆេះឃ្លាំងស្តុកប្រេងនៅ ថៃ ម្សិលមិញ ខាតជាង ៤០លានបាត និងបាត់បង់ប្រេង ១០ ម៉ឺនលីត្រ

បានផុស

៤ years មុន

នៅ

ថ្ងៃអង្គារ ៣០ វិច្ឆិកា ២០២១

ដោយ

កាលពីម្សិលមិញវេលាម៉ោង ១២:៣០ រសៀល មានករណីអគ្គិភ័យឆាបឆេះឃ្លាំងស្តុកទំនិញម៉ាកល្បីៗ របស់ក្រុមហ៊ុន Prapa Grooil ស្ថិតនៅ Soi Talat Thanya ផ្លូវ Petchkasem សង្កាត់ Om Yai ស្រុក Sampran ខេត្ត Nakhon Pathom ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កន្លែងកើតហេតុជាអគារមួយជាន់ នៅខាងក្នុងមានផ្ទុកធុងប្រេងចំណុះ២០០លីត្រ៣ទៅ៤ធុង ដាក់ជង់គ្នាយ៉ាងខ្ពស់ ខណៈខាងក្នុងរោងចក្រ ផ្ទុកប្រេងជាង ១០ ម៉ឺនលីត្រ។

នៅមុនពេលកើតហេតុ គេឃើញមានផ្សែងហុយពេញឃ្លាំង។ បន្ទាប់មកក៏មានការផ្ទុះឆេះរាលដាលផ្ទះប្រជាពលរដ្ឋនៅក្បែរនោះផងដែរ ។

ទោះយ៉ាងណា នគរបាលប៉ុស្តិ៍រដ្ឋបាលស្រុក Sampran បានសម្របសម្រួលរថយន្តបាញ់ទឹកជាង ៣០ គ្រឿង។ ប៉ុន្តែការគ្រប់គ្រងភ្លើងគឺពិបាក ព្រោះនៅកន្លែងកើតហេតុ មានភ្លើងពេញដោយប្រេង ឆេះយ៉ាងសន្ធោសន្ធៅ។

ភ្លើងត្រូវបានប្រើពេលជាង ៣ ម៉ោង ទើបរលត់ទៅវិញ ខណៈដែលភ្លើងកំពុងគ្រប់គ្រងបាន មានមន្ត្រីម្នាក់ត្រូវផ្កាភ្លើងខ្ទាតចូលភ្នែក រហូតត្រូវបញ្ជូនទៅកាន់មន្ទីរពេទ្យជាប្រញាប់។

ការឆាបឆេះនេះបានបណ្ដាលឲ្យប្រេងខ្លះ ហូរចូលទៅក្នុងប្រឡាយសាធារណៈ ហើយអភិបាលខេត្ត Nakhon Pathom បានបញ្ជាឲ្យមន្ត្រីនៃមន្ទីរធារាសាស្ត្រខេត្តបិទទ្វារទឹក ដើម្បីការពារកុំឲ្យប្រេងហូរចូលទន្លេថាជីន។

លោក Nopruj Ungpraphakorn កូនប្រុសក្រុមហ៊ុនប្រេង Prapagro Oil Limited បានប្រាប់ឲ្យដឹងថា កាលពីខែមេសា កន្លងទៅនេះ មានភ្លើងឆេះម្ដង ហើយបានផ្លាស់ប្ដូរប្រេងដែលនៅសល់ទៅកន្លែងថ្មី ដោយរៀបចំបើកអាជីវកម្ម ប៉ុន្តែបែរជាត្រូវភ្លើងឆេះម្ដងទៀតទៅវិញ។

ចំពោះមូលហេតុពិតប្រាកដ មិនត្រូវបានគេដឹងថា បណ្ដាលមកពីអ្វីនោះទេ។ ប្រេងដែលឆេះលើកនេះមានជាង១០ម៉ឺនលីត្រ ប៉ុន្តែតិចជាងលើកទី១។ ការការខូចខាតក្នុងហេតុការណ៍អគ្គីភ័យនេះ គឺជាង ៣០-៤០ លានបាតឯណោះ៕

ប្រែសម្រួល៖ សាង ស្រីល័ក្ខ

ប្រភព៖Sanook

ចុចអាន៖អគ្គិភ័យឆេះរោងចក្រផ្លាស្ទិក នៅប្រទេសថៃ ក្រុមពន្លត់ មិនអាចគ្រប់គ្រងបាន