ព័ត៌មានអន្ដរជាតិ
រឿងរ៉ាវសំខាន់ៗ WHO ដឹងពីវីរុសបំប្លែងខ្លួនថ្មី Omicron
កាលពីថ្ងៃទី ២៦ វិច្ឆិកា ២០២១ អង្គការសុខភាពពិភពលោក (WHO) បានកំណត់វីរុសបំប្លែងថ្មី B.1.1.529 ជាវីរុសកូវីដ-១៩បំប្លែងថ្មីមួយ ដែលគួរឲ្យបារម្ភមានឈ្មោះថា វីរុសបំប្លែងថ្មី Omicron តាមការណែនាំពីក្រុមប្រឹក្សាបច្ចេកទេសរបស់ WHO ស្ដីពីការវិវត្តន៍នៃមេរោគ (TAG-VE)។
តាមការសិក្សារបស់ TAG-VE បង្ហាញថា Omicron មានការបំប្លែងជាច្រើនដែលអាចជះឥទ្ធិពលលើលក្ខណៈទូទៅរបស់វីរុសនេះ។ ឧទាហរណ៍ ដូចជាវីរុសនេះអាចងាយឆ្លងរាលដាលលឿន ឬវីរុសនេះអាចបង្កជំងឺឲ្យមានភាពធ្ងន់ធ្ងរជាដើម។
១. ការចម្លងនៃវីរុសបំប្លែងថ្មី Omicron
បើតាមអង្គការសុខភពិភពលោក បច្ចុប្បន្ន អ្នកស្រាវជ្រាវនៅមិនទាន់ដឹងច្បាស់នៅឡើយថា វីរុសបំប្លែងថ្មី Omicron អាចងាយឆ្លងខ្លាំងទៅមនុស្សយើងបានលឿនកម្រិតណា បើប្រៀបធៀបនឹងវីរុសបំប្លែងដទៃទៀត រួមទាំងវីរុសបំប្លែង Delta ផងដែរ។ ចំនួនមនុស្សដែលធ្វើតេស្ដវិជ្ជមានកាន់តែកើនឡើងនៅក្នុងតំបន់អាហ្វ្រិកខាងត្បូងដែលរងផលប៉ះពាល់ដោយសារវីរុសបំប្លែងថ្មីនេះ ប៉ុន្តែការសិក្សាបន្ថែមអំពីរោគរាតត្បាតកំពុងដំណើរការ ដើម្បីស្វែងយល់ថាតើវាបណ្ដាលមកពីវីរុសបំប្លែងថ្មី Omicron នេះ ឬក៏បណ្ដាលមកពីកត្តាផ្សេងទៀង។
២. ភាពធ្ងន់ធ្ងរនៃជំងឺបង្កដោយវីរុសបំប្លែងថ្មី Omicron
ពេលនេះនៅមិនទាន់ដឹងច្បាស់ថាតើការឆ្លងវីរុសបំប្លែងថ្មី Omicron បណ្ដាលឲ្យអ្នកឆ្លងឈឺធ្ងន់ធ្ងរ ឬអត់ បើប្រៀបធៀបនឹងវីរុសបំប្លែងដទៃទៀតដូចជា Delta ជាដើម។ តាមទិន្នន័យបឋមរបស់ WHO បានឲ្យដឹងថា មានអត្រាកើនឡើងនៃការសម្រាកព្យាបាលនៅមន្ទីរពេទ្យនៅអាហ្វ្រិកខាងត្បូង ប៉ុន្តែនេះអាចបណ្ដាលមកពីការកើនឡើងនៃចំនួនមនុស្សឆ្លងមេរោគផ្សេង ជាជាងលទ្ធផលនៃការឆ្លងវីរុសបំប្លែងថ្មី Omicron។ បច្ចុប្បន្ននេះមិនមានព័ត៌មានណាមួយដែលបង្ហាញថា រោគសញ្ញាដែលទាក់ទងនឹងវីរុសបំប្លែងថ្មី Omicron ខុសពីវីរុសបំប្លែងដទៃទៀតឬក៏អត់នោះទេ។
៣. ប្រសិទ្ធភាពវ៉ាក់សាំងលើវីរុសបំប្លែងថ្មី Omicron
WHO កំពុងធ្វើការជាមួយដៃគូបច្ចេកទេសដើម្បីយល់ពីផលប៉ះពាល់នៃវីរុសបំប្លែងថ្មី Omicron ទៅលើវិធានការការពារវីរុសកូវីដ-១៩ ដែលបន្តធ្វើរហូតមកដល់សព្វថ្ងៃ រាប់បញ្ចូលទាំងវ៉ាក់សាំងការពារផងដែរ។ វ៉ាក់សាំងនៅតែមានសារសំខាន់ក្នុងការកាត់បន្ថយជំងឺធ្ងន់ធ្ងរ និងការស្លាប់ក្រោយឆ្លងវីរុសកូវីដ-១៩ធម្មតា និងវីរុសបំប្លែងនានាៗ៕
ចុចអាន៖WHO ថា វាមិនទាន់ច្បាស់ទេថាតើវីរុស Omicron បង្កជំងឺធ្ងន់ធ្ងរជាង វីរុសបំប្លែងខ្លួនផ្សេងទៀត
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»