ប្រទេស ឥណ្ឌូនេស៊ី ទទួលបានវ៉ាក់សាំងកូវីដហើយ!

លោកប្រធានាធិបតី Joko Widodo បាននិយាយថា ប្រទេសឥណ្ឌូនេស៊ីបានទទួលវ៉ាក់សាំងការពារជំងឺកូវីដពីប្រទេសចិនហើយកាលពីថ្ងៃអាទិត្យថ្ងៃទី៦ខែធ្នូម្សិលមិញនេះខណៈរដ្ឋាភិបាលកំពុងរៀបចំកម្មវិធីចាក់ថ្នាំបង្ការរោគទ្រង់ទ្រាយធំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Widodo ឬគេហៅថា Jokowi បាននិយាយនៅក្នុងសន្និសីទសារព័ត៌មានតាមអនឡាញមួយថា ប្រទេសនេះបានទទួលថ្នាំបង្ការចំនួន១.២លានដូសពីក្រុមហ៊ុន Sinovac Biotech របស់ចិន។ វាជាវ៉ាក់សាំងដែលឥណ្ឌូនេស៊ីបានធ្វើតេស្តចាប់តាំងពីខែសីហាមក។

លោកបានបន្ថែមថា រដ្ឋាភិបាលគ្រោងនឹងទទួលបានវ៉ាក់សាំងចំនួន១.៨លានដូសទៀតនៅដើមខែមករា។

ស្របពេលជាមួយគ្នានោះ ប្រធានាធិបតីឥណ្ឌូនេស៊ីក៏រំពឹងផងដែរថា ក្នុងខែនេះខ្លួននឹងទទួលបានការដឹកជញ្ជូនវត្ថុធាតុដើមដើម្បីផលិតវ៉ាក់សាំងឲ្យបាន១៥លានដូសនិង៣០លានដូសនៅខែក្រោយ។

ទោះបីជាយ៉ាងណាក៏ដោយ លោក Jokowi បាននិយាយថា វ៉ាក់សាំងនេះនៅតែត្រូវការការវាយតម្លៃពីទីភ្នាក់ងារស្បៀងអាហារនិងថ្នាំ (BPOM) របស់ប្រទេសខណៈរដ្ឋបាលរបស់លោកបន្តត្រៀមរៀបចំសម្រាប់ការចែកចាយវ៉ាក់សាំងនៅទូទាំងប្រទេសប្រជុំកោះដែលមានប្រជាជន២៧០លាននាក់មួយនេះ។

គួរបញ្ជាក់ថា ឥណ្ឌូនេស៊ីមានអ្នកឆ្លងកូវីដសរុបចំនួន៥៧៥,៧៩៦ករណីនិងអ្នកស្លាប់១៧,៧៤០នាក់ដែលជាតួលេខខ្ពស់បំផុតនៅក្នុងតំបន់អាស៊ីអាគ្នេយ៍៕

ប្រែសម្រួលដោយ៖ Vann Vann

ប្រភព៖ CNA

ចុចអាន៖ មនុស្សពីរ​នាក់​រកឃើញ​​វិរុស​កូវីដ ១៩ ម្នាក់នៅវត្តសន្សំកុសល្យ និង​ម្នាក់ទៀត​ជា​មន្រ្តីនៅ​ក្រសួង​មហាផ្ទៃ

ចុចអាន៖ មេធាវីផ្ទាល់របស់លោក Trump តេស្តវិជ្ជមាន កូវីដ១៩