ព័ត៌មានអន្ដរជាតិ
ប្រទេសនីការ៉ាហ្គាផ្តាច់ទំនាក់ទំនងជាមួយតៃវ៉ាន់ ប្តូរភក្តីភាពទៅចិន
ប្រទេសនីការ៉ាហ្គាកាលពីថ្ងៃព្រហស្បតិ៍ម្សិលមិញបានផ្តាច់ទំនាក់ទំនងការទូតយូរអង្វែងរបស់ខ្លួនជាមួយកោះតៃវ៉ាន់ ដោយបានប្តូរភក្តីភាពទៅទីក្រុងប៉េកាំងក្នុងការទទួលស្គាល់គោលនយោបាយចិនតែមួយរបស់បក្សកុម្មុយនិស្តចិនដែលនេះជាការថយចុះសម្ព័ន្ធមិត្តអន្តរជាតិកំពុងខ្សោយរបស់តៃវ៉ាន់។
ក្រសួងការបរទេសនីការ៉ាហ្គាបាននិយាយក្នុងសេចក្តីថ្លែងមួយជាភាសាអង់គ្លេស និងបារាំងថា ៖«រដ្ឋាភិបាលនៃសាធារណរដ្ឋនីការ៉ាហ្គាថ្ងៃនេះបានផ្តាច់ទំនាក់ទំនងការទូតជាមួយកោះតៃវ៉ាន់ និងឈប់មានការទាក់ទងណាមួយ ឬទំនាក់ទំនងផ្លូវការទៀតហើយ»។
សេចក្តីថ្លែងការណ៍បន្តថា ៖«សាធារណរដ្ឋប្រជាមានិតចិនគឺជារដ្ឋាភិបាលស្របច្បាប់តែមួយគត់ដែលតំណាងចិនទាំងអស់ ហើយតៃវ៉ាន់គឺជាផ្នែកមួយដែលមិនអាចកាត់ផ្តាច់បានពីទឹកដីចិន»។
បណ្តាញសារព័ត៌មានរដ្ឋចិនបាននិយាយថា តំណាងរដ្ឋាភិបាលមកពីចិន និងនីការ៉ាហ្គានឹងរៀបចំកិច្ចពិភាក្សានៅទីក្រុង Tianjin ភាគខាងជើងប្រទេសចិននាថ្ងៃសុក្រនេះ។
ស្របពេលជាមួយគ្នានេះ កោះតៃវ៉ាន់បានឆ្លើយតបវិញភ្លាមៗដោយសម្តែងចេញពីការឈឺចាប់ និងសោកស្តាយចំពោះការសម្រេចចិត្តរបស់នីការ៉ាហ្គា។
តៃវ៉ាន់និយាយថា ប្រធានាធិបតីរបស់ប្រទេសអាមេរិកកណ្តាលមួយនេះគឺលោក Daniel Ortega មិនបានយកចិត្តទុកដាក់ចំពោះសម្ព័ន្ធភាពរវាងប្រជាជនតៃវ៉ាន់ និងនីការ៉ាហ្គាទេ។
ក្រសួងការបរទេសតៃវ៉ាន់បាននិយាយហាក់ដូចផ្គើនវិញថា ៖«ក្នុងនាមជាសមាជិកសហគមន៍អន្តរជាតិមួយ តៃវ៉ាន់ក៏មានសិទ្ធិផ្លាស់ប្តូរ និងអភិវឌ្ឍទំនាក់ទំនងការទូតជាមួយប្រទេសផ្សេងដែរ»។
ចំណែកលោក Zhang Jun ឯកអគ្គរដ្ឋទូតចិនប្រចាំនៅអង្គការសហប្រជាជាតិបានអបអរសាទរចំពោះប្រទេសនីការ៉ាហ្គា៕
ប្រែសម្រួល៖ វីរបុត្រ
ប្រភព៖ reuters
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»