Omicron នឹងគ្របដណ្ដប់​ប្រទេស​អឺរ៉ុប​នៅសប្ដាហ៍នេះ

មន្ត្រីអឺរ៉ុប និងអ្នកវិទ្យាសាស្ត្រនិយាយថា Omicron នឹងក្លាយជាវីរុសកូវីដបំប្លែងខ្លួនដ៏លេចធ្លោ និងគ្របដណ្ដប់នៅ អឺរ៉ុបឆាប់ៗនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាសែត Washington Post បានរាយការណ៍ថា ប្រទេសដាណឺម៉ាក ស្កុតឡេន និងចក្រភពអង់គ្លេសបានកត់សម្គាល់ពីការរីករាលដាលយ៉ាងឆាប់រហ័សនៃវីរុសបំប្លែងខ្លួន omicron ខណៈក្រុមមន្ត្រីក្នុងប្រទេសបាននិយាយថា មេរោគនេះអាចនឹងមានឥទ្ធិពលនៅ សប្ដាហ៍នេះតែម្ដង ។

លោក Nicola Sturgeon រដ្ឋមន្ត្រីទីមួយនៃប្រទេសស្កុតឡែនបាននិយាយកាលពីថ្ងៃសុក្រថា “វានឹងវ៉ាដាច់វីរុសបំប្លែងខ្លួន Delta ក្នុងរយៈពេលប៉ុន្មានថ្ងៃ មិនមែនប៉ុន្មានសប្តាហ៍ទេ” ។

ទន្ទឹមនោះ ទីភ្នាក់ងារសន្តិសុខសុខភាពរបស់ចក្រភពអង់គ្លេសបាននិយាយថា Omicron នឹងមានភាពលេចធ្លោនៅ ពាក់កណ្តាលខែធ្នូ ហើយប្រទេសដាណឺម៉ាករំពឹងថា មេរោគនេះនឹងក្លាយជាវីរុសបំប្លែងខ្លួនដ៏សំខាន់នៅ ចុងសប្តាហ៍នេះ ។

កាសែត Washington Post បានរាយការណ៍ទៀតថា ការរីករាលដាលរបស់ Omicron នៅ ក្នុងប្រទេសទាំងនោះត្រូវបានគេរំពឹងថា នឹងក្លាយជាការយល់ដឹងអំពីអ្វីដែលកំពុងកើតឡើងនៅ អឺរ៉ុប និងអ្វីដែលនឹងកើតឡើងនាពេលអនាគតនៅ សហរដ្ឋអាមេរិក ។

ពាក់ព័ន្ធនឹងបញ្ហានេះ មន្ត្រីសុខាភិបាលនៅ សហរដ្ឋអាមេរិកបានកត់សម្គាល់ថា ករណី Omicron ទាំងអស់ដែលបានកត់ត្រានៅ ក្នុងប្រទេសនេះហាក់ដូចជាស្រាល ខណៈអ្នកទាំងនោះក៏បានជាសះស្បើយពីជំងឺនេះហើយផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ The Hill

ចុចអាន ៖ Omicron ពិតជាឆ្លងខ្លាំងជាង Delta និងធ្វើឲ្យវ៉ាក់សាំង ថយប្រសិទ្ធភាពមែន