ព័ត៌មានអន្ដរជាតិ

ជប៉ុនលុបចោលជើងហោះហើរជាង១០០ដោយសារព្រិលខ្លាំង

បានផុស

២ years មុន

នៅ

ថ្ងៃចន្ទ ២៧ ធ្នូ ២០២១

ដោយ

ជើងហោះហើរក្នុងស្រុកនៅប្រទេសជប៉ុនជាង១០០កាលពីថ្ងៃអាទិត្យ ទី២៦ ខែធ្នូ កន្លងទៅនេះត្រូវបានលុបចោលដោយសារព្រិលធ្លាក់ក្រាស់ពេកនៅផ្នែកខ្លះនៃភាគខាងជើង និងខាងលិចប្រទេស។ នេះបើតាមក្រុមហ៊ុនអាកាសចរណ៍ធំបំផុតពីររបស់ជប៉ុនបាននិយាយ។

លោក Hiroaki Hayakawa នាយកប្រតិបត្តិករសម្រាប់ក្រុមហ៊ុនអាកាសចរណ៍បានប្រាប់ថា ក្រុមហ៊ុនអាកាសចរណ៍ ANA Holdings បានលុបចោលការហោះហើរចំនួន៧៩គិតចាប់ពីត្រឹមម៉ោង២រសៀលដែលបានធ្វើឲ្យប៉ះពាល់ដល់អ្នកដំណើរប្រហែលជា៥១០០នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំណែកក្រុមហ៊ុនអាកាសចរណ៍ Japan Airlines Co បានលុបចោលការហោះហើរចំនួន៤៩ដែលបានប៉ះពាល់ដល់អ្នកដំណើរប្រមាណ២៤៦០នាក់។ នេះបើយោងតាមតំណាងរបស់ក្រុមហ៊ុនបាននិយាយ។

សម្រាប់ជើងហោះហើរទូទាំងពិភពលោករាប់ពាន់ត្រូវបានលុបចោលនៅក្នុងថ្ងៃឈប់សម្រាកនៃបុណ្យណូអែលកាលពីចុងសប្តាហ៍កន្លងទៅនេះដោយសារតែវីរុសកូវីដ-១៩បំប្លែងខ្លួនថ្មីរាតត្បាតខ្លាំង។

យោងតាមក្រសួងសុខាភិបាលបានឲ្យដឹងថា ប្រទេសជប៉ុនដែលមានការរឹតបន្តឹងព្រំដែនតឹងតែងដើម្បីទប់ស្កាត់វីរុសបំប្លែងខ្លួន Omicron បានរាយការណ៍ពីករណីឆ្លងវីរុសបំប្លែងខ្លួនថ្មីនេះនៅសហគមន៍ជាច្រើន ហើយរហូតដល់ដល់ពេលនេះជប៉ុនមានអ្នកឆ្លង Omicron ចំនួន២៣១នាក់ហើយ មានទាំងអ្នកដំណើរមកពីក្រៅប្រទេសផង៕

ប្រែសម្រួល៖ វីរបុត្រ
ប្រភព៖ Reuters

Related Topics:ប្រទេសជប៉ុន