ស្លាប់និងរបួសជិត ៣០០នាក់ ដោយសារទឹកជំនន់ធ្ងន់ធ្ងរនៅ ប្រេស៊ីល (មានវីដេអូ)

ទឹកជំនន់ដ៏ខ្លាំងក្លា បានបណ្តាលឲ្យមនុស្សចំនួន១៨នាក់ស្លាប់ និងជាង២៨០នាក់រងរបួសនៅក្នុងតំបន់ភាគឦសាននៃប្រទេស ប្រេស៊ីល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អភិបាលរដ្ឋ Bahia លោក Rui Costa បានប្រាប់អ្នកយកព័ត៌មាននៅទីក្រុង Ilheus ដែលជាទីក្រុងមួយរងគ្រោះខ្លាំងជាងគេថា ទឹកជំនន់បានប៉ះពាល់ដល់ទីក្រុងជិត៤០នៅទូទាំងរដ្ឋ។

លោក Costa និយាយថា “នេះគឺជាសោកនាដកម្មដ៏ធំមួយ។ ខ្ញុំមិនដែលឃើញរឿងបែបនេះនៅក្នុងប្រវត្តិសាស្រ្តថ្មីៗរបស់រដ្ឋ Bahia ទេ។ វាពិតជាគួរឲ្យខ្លាចណាស់”។

យោងតាមទីភ្នាក់ងារការពារស៊ីវិលរបស់រដ្ឋ Bahia បានឲ្យដឹងថា មនុស្សជាង៣៥,០០០នាក់ ត្រូវបានបង្ខំឲ្យចាកចេញពីផ្ទះរបស់ពួកគេ។

នៅទីក្រុង Itambé ភ្លៀងធ្លាក់ខ្លាំងបានបណ្តាលឲ្យបាក់ទំនប់ទឹកកាលពីល្ងាចថ្ងៃសៅរ៍ ដែលជាហេតុបង្កើនការភ័យខ្លាច និងក្តីព្រួយបារម្ភអំពីទឹកជំនន់បន្ថែមទៀត។

ស្របពេលជាមួយគ្នានោះ ទីភ្នាក់ងារឃ្លាំមើលគ្រោះមហន្តរាយធម្មជាតិ និងឧតុនិយមប្រេស៊ីលបានព្រមានថា មានហានិភ័យនៃទឹកជំនន់ និងការរអិលបាក់ដីបន្ថែមទៀតនៅក្នុងរដ្ឋ Bahia ហើយមានលទ្ធភាពដែលភ្លៀងនៅតែបន្តធ្លាក់រហូតដល់ថ្ងៃអង្គារ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ CNN

ចុចអាន៖ ទឹកជំនន់អាក្រក់បំផុតនៅម៉ាឡេស៊ី ឆក់យកជីវិតមនុស្ស ១៤នាក់