ស្ត្រីមានផ្ទៃពោះម្នាក់ បានក្លាយជាមនុស្សដំបូងគេលើពិភពលោក ដែលឆ្លងជំងឺកូវីដ១៩ផង និងគ្រុនផ្តាសាយផង។

ស្ត្រីរូបនេះបានធ្វើតេស្តវិជ្ជមានមេរោគទាំងពីរ នៅក្នុងមន្ទីរពេទ្យ Beilinson នៃទីក្រុង Petach Tikva ប្រទេសអ៊ីស្រាអែល កាលពីថ្ងៃព្រហស្បតិ៍សប្តាហ៍មុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នាងមានរោគសញ្ញាស្រាល ហើយមន្ត្រីសុខាភិបាលអ៊ីស្រាអែលកំពុងសិក្សាករណីរបស់នាង ដើម្បីកំណត់ថាតើ ការរួមផ្សំគ្នានៃជំងឺទាំង២នេះ បណ្តាលឲ្យមានអាការធ្ងន់ធ្ងរឬយ៉ាងណា។

សាស្ត្រាចារ្យ Arnon Vizhnitser ប្រធាននាយកដ្ឋានរោគស្ត្រី នៃមន្ទីរពេទ្យបានប្រាប់កាសែត Hamodia ថា “នាងត្រូវបានគេធ្វើរោគវិនិច្ឆ័យឃើញថាមានគ្រុនផ្តាសាយ និងកូវីដភ្លាមៗនៅពេលមកដល់។ ការធ្វើតេស្តទាំងពីរបានចេញលទ្ធផលវិជ្ជមាន សូម្បីពិនិត្យម្តងទៀតក៏ដោយ។​ ជំងឺទាំង២គឺជាប្រភេទតែមួយ។ ពួកវាជាមេរោគ និងធ្វើឲ្យពិបាកដកដង្ហើម”។

ទោះបីជាយ៉ាងណាក៏ដោយ ស្ត្រី​រូប​នេះ​ត្រូវ​បាន​គេ​រំពឹង​ថា​នឹង​ចេញពីមន្ទីរពេទ្យ​នៅ​ថ្ងៃ​ព្រហស្បតិ៍សប្តាហ៍នេះ។

គួរបញ្ជាក់ថា ការរកឃើញនេះកើតឡើង បន្ទាប់ពីរដ្ឋមន្ត្រីសុខាភិបាលអ៊ីស្រាអែល បាននិយាយកាលពីចុងសប្តាហ៍ថា ប្រទេសនេះកំពុងពង្រីកការចាក់វ៉ាក់សាំងលើកទីបួនដល់មនុស្សចាស់នៅក្នុងមណ្ឌលថែទាំ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ អ៊ីស្រាអែល ចាក់វ៉ាក់សាំងកូវីដដូសទី ៤ ដល់ក្រុមមនុស្ស ២ ប្រភេទ ទោះចាក់ដូសទី ៣ បាន ៤ ខែក៏ដោយ