អារ៉ាប់រួមចុះបញ្ជីវ៉ាក់សាំង Sinopharm របស់ចិន ក្រោយបង្ហាញប្រសិទ្ធភាព ៨៦ ភាគរយ

ប្រទេសអារ៉ាប់រួមនៅថ្ងៃពុធ ទី៩ ខែធ្នូ នេះបានចុះបញ្ជីជាផ្លូវការនូវវ៉ាក់សាំងការពារជំងឺកូវីដ ១៩ ដែលផលិតដោយក្រុមហ៊ុនយក្សចិន Sinopharm ដោយនិយាយថា វាមានប្រសិទ្ធភាព ៨៦ ភាគរយយោងតាមការវិភាគនៃការសាកល្បងដំណាក់កាលទីបី ។

ទីភ្នាក់ងារព័ត៌មានរដ្ឋ WAM បាននិយាយថា ក្រសួងសុខាភិបាលបានប្រកាសពីការចុះបញ្ជីជាផ្លូវការនូវវ៉ាក់សាំងនេះដោយមិនបានបញ្ជាក់ពីរបៀបដែលវាត្រូវបានគេប្រើប្រាស់នោះទេ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វ៉ាក់សាំងនេះបានឆ្លងកាត់ការសាកល្បងដំណាក់កាលទីបីនៅក្នុងប្រទេសអារ៉ាប់រួមចាប់តាំងពីខែកក្កដា ហើយវាត្រូវបានអនុម័តសម្រាប់ការប្រើប្រាស់ជាបន្ទាន់សម្រាប់បុគ្គលិកសុខាភិបាលក្នុងខែកញ្ញា ។

ទីភ្នាក់ងារព័ត៌មាន WAM បាននិយាយថា ការប្រកាសនេះគឺជាការបោះឆ្នោតដ៏គួរឲ្យទុកចិត្តមួយដោយអាជ្ញាធរសុខាភិបាលរបស់អារ៉ាប់រួមក្នុងការធានាសុវត្ថិភាព និងប្រសិទ្ធភាពវ៉ាក់សាំងនេះ ។

ទន្ទឹមនោះមន្ត្រីសុខាភិបាលរបស់អារ៉ាប់រួមក៏បានពិនិត្យឡើងវិញនូវការវិភាគបណ្តោះអាសន្នរបស់ក្រុមហ៊ុន Sinopharm នៃការសាកល្បងព្យាបាលដំណាក់កាលទីបីដែលបង្ហាញថា វាមានប្រសិទ្ធភាព ៨៦ ភាគរយប្រឆាំងនឹងជំងឺនេះ ។

ការវិភាគបានបង្ហាញថា វ៉ាក់សាំងនេះមានអត្រា ៩៩ ភាគរយនៃការបន្សាបអង្គបដិប្រាណ និងប្រសិទ្ធភាព ១០០ ភាគរយក្នុងការការពារករណីដែលមានកម្រិតមធ្យម និងធ្ងន់ធ្ងរ ។ លើសពីនេះទៀតការវិភាគបង្ហាញថាមិនមានការព្រួយបារម្ភ ឬហានិភ័យអំពីសុវត្ថិភាពធ្ងន់ធ្ងរនោះទេ ។

បន្ថែមពីនេះអភិបាលក្រុងឌូបៃលោក Sheikh Mohammed bin Rashid Al-Maktoum បាននិយាយកាលពីខែវិច្ឆិកាថា លោកបានទទួលការចាក់វ៉ាក់សាំងការពារជំងឺកូវីដ ១៩ ដោយចូលរួមជាមួយមន្រ្តីជាន់ខ្ពស់អារ៉ាប់រួមក្នុងការសាកល្បងនេះ ៕

ប្រែសម្រួលដោយ ៖ ជីវ័ន្ត

ប្រភព ៖ CNA

ចុចអាន ៖ ប្រជាជនចិនផ្អើលទៅមើលបាតុភូតចម្លែកនៅទន្លេ Taoer (មានវីដេអូ)

ចុចអាន ៖ FDA បញ្ចេញលទ្ធផលសុវត្ថិភាពនៃវ៉ាក់សាំងកូវីដ របស់ក្រុមហ៊ុន Pfizer/BioNTech