ព័ត៌មានអន្ដរជាតិ
ចិន តភ្ជាប់ផ្លូវរថភ្លើងថ្មីមួយទៀតជាមួយ អឺរ៉ុប
រថភ្លើងដឹកទំនិញថ្មីមួយដែលផ្ទុកទំនិញចំនួន ៥០ កុងតឺន័របានចេញដំណើរកាលពីថ្ងៃពុធពីទីតាំង Urad Back Banner តំបន់ស្វយ័ត Inner Mongolia ភាគខាងជើងប្រទេសចិន ហើយត្រូវបានគេរំពឹងថានឹងមកដល់ទីក្រុងម៉ូស្គូក្នុងរយៈពេលប្រហែល ១០ ថ្ងៃ ។
វាគឺជាសេវារថភ្លើងដឹកទំនិញចិន-អឺរ៉ុបដំបូងគេដែលត្រូវបានដាក់ឲ្យដំណើរការជាផ្លូវការនៅទីតាំង Urad Back Banner ក្នុងទីក្រុង Bayannur ដែលជាមជ្ឈមណ្ឌលដ៏សំខាន់មួយតភ្ជាប់ប្រទេសចិន និងម៉ុងហ្គោលី និងជាទីក្រុងស្នូលនៃខ្សែក្រវាត់សេដ្ឋកិច្ចផ្លូវសូត្រថ្មី ។
នៅឆ្នាំ ២០២២ តំបន់ Urad Back Banner គ្រោងនឹងដំណើរការរថភ្លើងដឹកទំនិញចិន-អឺរ៉ុបចំនួន ៥៥ គ្រឿង ដោយដឹកជញ្ជូនទំនិញប្រហែល ៥០,០០០ ទៅ ៦០,០០០ តោន ជាមួយនឹងតម្លៃពាណិជ្ជកម្មប្រចាំឆ្នាំ ៣០០ លានយ័ន (ប្រហែល ៤៧.១ លានដុល្លារអាមេរិក) ដល់ ៥០០ លានយ័ន ។
ទន្ទឹមនោះលោក Hai Gang ប្រធានការិយាល័យកិច្ចការបរទេស និងពាណិជ្ជកម្មបាននិយាយថា តំបន់ Urad Back Banner បានបញ្ចប់ការសាងសង់ផ្លូវរថភ្លើងដឹកជញ្ជូនចំនួន ២ ខ្សែ និងទីធ្លាកុងតឺន័រដ៏ធំមួយ បង្កើតវេទិកាដឹកជញ្ជូនផ្លូវដែកដ៏ធំ និងលឿនបំផុតនៅក្នុងទីក្រុង ។
ស្របពេលជាមួយគ្នានេះ សួនឧស្សាហកម្មសម្រាប់ឃ្លាំងស្តុកទំនិញ ខ្សែសង្វាក់ផ្គត់ផ្គង់ ពាណិជ្ជកម្មអេឡិចត្រូនិក និងការដឹកជញ្ជូនផ្សេងៗក៏កំពុងត្រូវបានគ្រោងទុកផងដែរ ដើម្បីជួយសម្រួលដល់ពាណិជ្ជកម្មទំនិញ ៕
ប្រែសម្រួលដោយ ៖ ជីវ័ន្ត
ប្រភព ៖ The Nation
ចុចអាន ៖ ថៃ ងាកទៅរកការនាំចេញផ្លែឈើស្រស់តាមផ្លូវរថភ្លើង ចិន-ឡាវ
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៩ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)