ថៃ ឲ្យប្រជាជនរស់នៅជាមួយ អូមីក្រុង ពេញមួយឆ្នាំនេះ

មន្ត្រីសុខាភិបាលជាន់ខ្ពស់មួយរូបបាននិយាយកាលពីថ្ងៃសៅរ៍ថា ប្រទេសថៃនឹងត្រៀមឲ្យប្រជាជនរបស់ខ្លួនរស់នៅជាមួយវីរុសបំប្លែងខ្លួនអូមីក្រុងជាជំងឺឆ្លងនៅឆ្នាំនេះ ។

ប្រធាននាយកដ្ឋានគ្រប់គ្រងជំងឺលោក Opas Karnkawinpong បាននិយាយថា ប្រទេសនេះនាំមុខបន្តិចលើអង្គការសុខភាពពិភពលោក (WHO) និងប្រទេសដទៃទៀតទាក់ទងនឹងវិធានការដើម្បីដោះស្រាយជាមួយនឹងអូមីក្រុង ។

ទោះជាយ៉ាងណាក៏ដោយ លោកបានបន្ថែមថា ប្រទេសថៃមិនយល់ស្របនឹងការព្រមានរបស់ WHO ដែលថា វាឆាប់ពេកក្នុងការចាត់ទុកអូមីក្រុងជាជំងឺរាតត្បាតនោះទេ ។ លោក Opas បាននិយាយថា “យើងគ្រាន់តែចាប់ផ្តើមយុទ្ធនាការផ្សព្វផ្សាយការយល់ដឹងជាសាធារណៈអំពីរបៀបរៀបចំ និងរស់នៅជាមួយអូមីក្រុងជាជំងឺឆ្លង ។

លោក Opas បាននិយាយថា ប្រទេសនេះនឹងផ្លាស់ប្តូរការគ្រប់គ្រងរោគរាតត្បាតតាមរយៈអត្រាចាក់វ៉ាក់សាំង ហើយនៅពេលដែលប្រជាជនថៃកាន់តែច្រើនមានភាពស៊ាំក្នុងសហគមន៍ ប្រទេសនេះអាចរស់នៅដោយសុវត្ថិភាពជាមួយអូមីក្រុង ។

ជាចុងក្រោយលោកបន្ថែមថា “ប្រសិនបើប្រជាជនទាំងអស់សហការគ្នានោះ អូមីក្រុង នឹងក្លាយជាជំងឺរាតត្បាតធម្មតានៅក្នុងប្រទេសថៃក្នុងឆ្នាំនេះ មិនមែនថ្ងៃនេះ ឬថ្ងៃស្អែកនោះទេ” ៕

ប្រែសម្រួលដោយ ៖ ជីវ័ន្ត

ប្រភព ៖ The Nation

ចុចអាន ៖ អ្នកចាក់វ៉ាក់សាំង Pfizer ជាដូសជំរុញ បង្កើនភាពស៊ាំការពារ អូមីក្រុង រហូតដល់ ២០០ ដង