ព័ត៌មានអន្ដរជាតិ

បើកព្រំដែនភ្លាម កូរ៉េខាងជើង បញ្ជូនរថភ្លើងទៅដឹកទំនិញនៅ ចិន

បានផុស

៤ years មុន

នៅ

ថ្ងៃចន្ទ ១៧ មករា ២០២២

ដោយ

ប្រភពរដ្ឋាភិបាលចិនបាននិយាយថា រថភ្លើងដឹកទំនិញពីកូរ៉េខាងជើងបានមកដល់ប្រទេសចិនហើយ បន្ទាប់ពីបិទព្រំដែនជិត ២ ឆ្នាំដែលបានប៉ះពាល់យ៉ាងធ្ងន់ធ្ងរដល់សេដ្ឋកិច្ចកូរ៉េខាងជើង ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពបាននិយាយថា រថភ្លើងបានចាកចេញពីទីក្រុង Sinuiju ហើយបានមកដល់ទីក្រុង Dandong ព្រំដែនចិននៅព្រឹកថ្ងៃអាទិត្យ ។

ទីភ្នាក់ងារសារព័ត៌មានយ៉ុនហាប់របស់កូរ៉េខាងត្បូងបានដកស្រង់ប្រភពមិនបញ្ចេញឈ្មោះដែលនិយាយថា រថភ្លើងទំនងជាផ្ទុកទៅដោយគ្រឿងបរិក្ខារពេទ្យ និងសម្ភារៈប្រើប្រាស់ប្រចាំថ្ងៃ ហើយត្រឡប់ទៅកូរ៉េខាងជើងវិញនៅថ្ងៃចន្ទនេះ ។

ប្រទេសកូរ៉េខាងជើងបានបិទព្រំដែនរបស់ខ្លួននៅឆ្នាំ ២០២០ ដោយលើកឡើងពីភាពចាំបាច់ដើម្បីការពារកូវីដឆ្លងចូលប្រទេស ។

ទន្ទឹមនោះ មេដឹកនាំកូរ៉េខាងជើងលោក គីម ជុងអ៊ុន បាននិយាយនៅក្នុងសុន្ទរកថាគោលនយោបាយរបស់លោកកាលពីខែមុនថា ការទប់ស្កាត់ការឆ្លងគឺជាគម្រោងជាតិអាទិភាព ។

ស្របពេលជាមួយគ្នានេះ ចិនក៏មានការប្រុងប្រយ័ត្នខ្ពស់ចំពោះការរីករាលដាលនៃមេរោគ មុនការប្រកួតកីឡាអូឡាំពិករដូវរងាក្រុងប៉េកាំងផងដែរ ។

គួរបញ្ជាក់ថា កូរ៉េខាងជើងគឺជាដៃគូពាណិជ្ជកម្មដ៏ធំបំផុតជាមួយប្រទេសចិន ហើយវាកំពុងត្រូវបានគេមើលថាតើការមកដល់នៃរថភ្លើងដឹកទំនិញនេះនឹងនាំទៅដល់ការបន្តពាណិជ្ជកម្មពេញលេញទៀតឬយ៉ាងណានោះ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ ដឹងមូលហេតុពីក្រោយការស្រកទម្ងន់មិនធ្លាប់មានរបស់ គីម ជុងអ៊ុន