ព័ត៌មានអន្ដរជាតិ
ក្រុមហ៊ុនផលិតឱសថធំៗ ២ ចាប់ផ្ដើមពិសោធន៍វ៉ាក់សាំងប្រឆាំង អូមីក្រុង
ក្រុមហ៊ុនផលិតឱសថ Pfizer និង BioNTech បានចាប់ផ្តើមធ្វើការពិសោធន៍វ៉ាក់សាំងថ្មី ដើម្បីប្រឆាំងនឹងវីរុសបំប្លែងខ្លួន អូមីក្រុង (Omicron) ដែលអាចគេចផុតពីការការពារមួយចំនួនពីរូបមន្តដើមនៃវ៉ាក់សាំងពីមុនរបស់ខ្លួន។
ក្រុមហ៊ុន បានឱ្យដឹង នៅថ្ងៃអង្គារ ទី២៤ មករា ឆ្នាំ២០២២ ថា ការពិសោធន៍នឹងធ្វើលើអ្នកស្ម័គ្រចិត្តចំនួន ១,៤០០ នាក់ នៅអាមេរិក ដោយធ្វើតេស្តពីការឆ្លើយតបរបស់ប្រព័ន្ធស៊ាំតាមរយៈការចាក់វ៉ាក់សាំង ៣ដូស ទៅលើមនុស្សដែលមិនទាន់បានចាក់វ៉ាក់សាំង និងចាក់ដូសជំរុញទៅលើអ្នកដែលធ្លាប់បានចាក់វ៉ាក់សាំងកូវីដ-១៩ចំនួន ២ដូស រួចមកហើយ។
បន្ថែមពីលើនោះ ក្រុមហ៊ុន នឹងធ្វើការពិសោធន៍ចាក់វ៉ាក់សាំងដើមដូសទី ៤ ហើយនឹងវ៉ាចាក់ក់សាំងថ្មីដែលប្រឆាំង អូមីក្រុង ដូសទី ៤ ដូចគ្នា ទៅលើអ្នកដែលធ្លាប់ចាក់វ៉ាក់សាំង Pfizer-BioNTech ដូសទី ៣រួចរាល់ បានរយៈពេលពី ៣ ទៅ ៦ខែ។
លោកស្រី Kathrin Jansen ប្រធានផ្នែកស្រាវជ្រាវ និងអភិវឌ្ឍន៍វ៉ាក់សាំងរបស់ក្រុមហ៊ុន Pfizer មានប្រសាន៍ថា “តាមរយៈការស្រាវជ្រាវបច្ចុប្បន្ន និងទិន្ន័យពិតប្រាកដរបស់ពិភពលោក វ៉ាក់សាំងដូសជំរុញអាចផ្តល់ការការពារខ្ពស់ប្រឆាំងនឹង អូមីក្រុង។ ប៉ុន្តែយើងត្រៀមខ្លួននៅពេលវ៉ាក់សាំងដើមថយចុះប្រសិទ្ធភាព ហើយការអភិវឌ្ឍវ៉ាក់សាំងថ្មី អាចជួយដោះស្រាយបញ្ហា អូមីក្រុង និងវីរុសបំប្លែងដទៃទៀតនាពេលអនាគត”។
ក្រុមហ៊ុន Pfizer ថ្លែងថា វ៉ាក់សាំងដើមចំនួន ២ដូស ប្រហែលមិនមានប្រសិទ្ធភាពប្រឆាំងនឹងវីរុសបំប្លែងខ្លួន អូមីក្រុង ឡើយ ហើយការការពាររបស់វាពីការចូលពេទ្យ និងការស្លាប់ អាចនឹងថយចុះ។
ទោះយ៉ាងណា មជ្ឍមណ្ឌលគ្រប់គ្រង និងបង្ការជំងឺ អាមេរិក (CDC) បញ្ជាក់ថា ដូសទី ៣ នៃវ៉ាក់សាំងប្រភេទ mRNA ដូចជា Pfizer-BioNTech បានផ្តល់ការពារពារ ៩០% ពីការចូលសម្រាកនៅមន្ទីរពេទ្យដោយសារកូវីដ-១៩៕
ប្រែសម្រួល៖ សន្យា
ប្រភព៖ Reuters
ចុចអាន៖ វីរុសបំប្លែងខ្លួនក្លាយពូជថ្មី ឆ្លងខ្លាំងជាងអូមីក្រុង ចូលដល់ ថៃ ហើយ (មានវីដេអូ)
-
សេចក្ដីជូនដំណឹង៤ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៣ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៥ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៦ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សេដ្ឋកិច្ច១ សប្តាហ៍ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ១ សប្តាហ៍ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព
-
សន្តិសុខសង្គម៤ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ១ សប្តាហ៍ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត