អាមេរិក ព្រមានមិនឲ្យធ្វើដំណើរទៅកាន់ប្រទេសទាំងនេះ ដោយសារកូវីដ

មជ្ឈមណ្ឌលគ្រប់គ្រង និងបង្កាជំងឺសហរដ្ឋអាមេរិក (CDC) កាលពីថ្ងៃចន្ទទី៣១ខែមករា បានចេញសេចក្តីណែនាំប្រឆាំងនឹងការធ្វើដំណើរទៅកាន់ប្រទេសមួយចំនួន ដោយសារតែអត្រាឆ្លងកូវីដខ្ពស់ ដែលប្រទេសទាំងនោះរួមមានទាំងម៉ិកស៊ិក ប្រេស៊ីល សិង្ហបុរី អេក្វាទ័រ កូសូវ៉ូ ហ្វីលីពីន និងប៉ារ៉ាហ្គាយផងដែរ។

ឥឡូវនេះ CDC បានចុះបញ្ជីប្រទេស និងដែនដីជិត ១៣០ ដែលមានករណីកូវីដ នៅកម្រិតទី៤ដែលជាកម្រិតខ្ពស់។ CDC ក៏បានបន្ថែមកោះ Anguilla, French Guiana, Moldova និង Saint Vincent និង Grenadines ទៅក្នុងកម្រិតខ្ពស់បំផុតរបស់ខ្លួនផងដែរ កាលពីថ្ងៃចន្ទ។

ចាប់តាំងពីពាក់កណ្តាលខែធ្នូមក រដ្ឋាភិបាលសហរដ្ឋអាមេរិកបានបន្ថែមប្រទេស និងដែនដីជាង៦០ទៅក្នុងបញ្ជីទីតាំងដែលត្រូវចៀសវាង ដោយលើកឡើងពីហានិភ័យនៃវីរុសកូវីដបំប្លែងខ្លួនប្រភេទ អូមីក្រុង។

CDC ក៏បានបង្កើនការព្រមានអំពីការធ្វើដំណើរសម្រាប់ប្រទេស និងដែនដីចំនួន១១ ទៅកម្រិតខ្ពស់ទី៣ផងដែរ ដែលនោះជំរុញឲ្យជនជាតិអាមេរិកមិនទាន់ចាក់វ៉ាក់សាំង ត្រូវចៀសវាងការធ្វើដំណើរដែលមិនសំខាន់ទៅកាន់ប្រទេស ប៊ូតង់ ប្រ៊ុយណេ កូម៉ូរ៉ូ ប៉ូលីណេស៊ី ហ្គាំប៊ី ហ្គីណេ ហ្គីណេ-ប៊ីសា ហុងឌូរ៉ាស លីបេរីយ៉ា នេប៉ាល់ និងអូម៉ង់។

គួរបញ្ជាក់ថា កាលពីខែមុន សហរដ្ឋអាមេរិកបានយល់ព្រម ដកការរឹតបន្តឹងការធ្វើដំណើរលើប្រទេសអាហ្វ្រិកខាងត្បូងចំនួន៨ ដែលត្រូវបានដាក់ក្នុងខែវិច្ឆិកាដោយសារតែការរីករាលដាលនៃវីរុសបំប្លែងថ្មីប្រភេទ អូមីក្រុង៕

ប្រែសម្រួល៖ Vann Vann

ប្រភព៖ Asian One

ចុចអាន៖ ដំណើររឿង បុរសអាមេរិក ដែលនាំ Omicron ចូលប្រទេស ថៃ