ព័ត៌មានអន្ដរជាតិ
មេដឹកនាំហុងកុងប្រាប់ឲ្យពលរដ្ឋទុកចិត្តលើវិធានការកម្ចាត់កូវីដ ខណៈឆ្លងថ្មីកើនឡើងជាង៤០ដង
មេដឹកនាំទីក្រុងហុងកុង លោកស្រី Carrie Lam បានអំពាវនាវឲ្យប្រជាពលរដ្ឋឲ្យរក្សាភាពជឿជាក់ និងគាំទ្រវិធានការរបស់រដ្ឋបាលរបស់លោកស្រីក្នុងការទប់ស្កាត់ និងដោះស្រាយការផ្ទុះកូវីដ-១៩ ដែលកំពុងធ្ងន់ធ្ងរ ខណៈករណីឆ្លងថ្មីប្រចាំថ្ងៃបានកើនឡើងជាង៤០ដង ចាប់ពីដើមខែកុម្ភៈមក។
ការលើកឡើងរបស់លោកស្រី Lam ដែលចេញផ្សាយក្នុងសេចក្តីប្រកាសកាលពីយប់ថ្ងៃពុធ ទី១៦ ខែកុម្ភៈនេះ បានធ្វើឡើង បន្ទាប់ពីប្រធានាធិបតីចិន លោក ស៊ី ជីនពីង បានប្រាប់មេដឹកនាំហុងកុងឲ្យមានបេសកកម្មកាន់តែខ្លាំងគឺដើម្បីធ្វើឲ្យស្ថិរភាព និងគ្រប់គ្រងកូវីដបានក្នុងមជ្ឈមណ្ឌលពាណិជ្ជកម្មសកលមួយនេះ។
លោកស្រីមានប្រសាសន៍ថា ៖«ដោយក្តីបារម្ភជាទីបំផុត និងការគាំទ្រដ៏មុតមាំរបស់លោកប្រធានាធិបតី ស៊ី ជីនពីង ឥឡូវនេះ យើងខ្ញុំទាំងអស់គ្នានៅក្នុងសង្គមត្រូវតែរួមដៃគ្នាដើម្បីកម្ចាត់រលកទី៥នៃកូវីដ-១៩ បង្ហាញឲ្យឃើញពីស្មារតីហុងកុងរួបរួម»។
«ខ្ញុំសូមអំពាវនាវជាថ្មីម្តងទៀតដល់ប្រជាជនហុងកុងសូមមានជំនឿជឿជាក់ និងគាំទ្រដល់វិធានការកម្ចាត់កូវីដ-១៩របស់រដ្ឋាភិបាល»។ លោកស្រីមានប្រសាសន៍។
នៅក្នុងចំណាត់ការដើម្បីធ្វើឲ្យគ្រែពេទ្យធូរស្រាល លោកស្រី Lam មានប្រសាសន៍ថា លោកស្រីបាននិយាយជាមួយម្ចាស់សណ្ឋាគារក្នុងស្រុកកាលពីថ្ងៃពុធដើម្បីកំណត់បន្ទប់សណ្ឋាគារដល់១ម៉ឺនបន្ទប់សម្រាប់ដាក់អ្នកជំងឺ។ ប្រធានសន្តិសុខ លោក Chris Tang នឹងមើលការខុសត្រូវចំពោះការរៀបចំបន្ទប់សណ្ឋាគារសម្រាប់អ្នកជំងឺ។
ប្រទេសចិនបាននិយាយថា ពួកគេនឹងជួយទីក្រុងហុងកុងដើម្បីពង្រឹងសមត្ថភាពធ្វើតេស្ត ការព្យាបាល និងការធ្វើចត្តាឡីស័ក ព្រមទាំងធានាធនធានពីកញ្ចប់អនាម័យរហ័ស និងឧបករណ៍ការពារដល់បន្លែស្រស់៕
ប្រែសម្រួល៖ វីរបុត្រ
ប្រភព៖ Reuters
-
សន្តិសុខសង្គម១ សប្តាហ៍ agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
សេដ្ឋកិច្ច៥ ថ្ងៃ agoរដ្ឋាភិបាលហាមឃាត់ក្រុមហ៊ុនផលិតស្រា និងភេសជ្ជៈផ្ដល់រង្វាន់តាមក្រវិលកំប៉ុង ចាប់ពីដើមខែតុលា ឆ្នាំនេះ
-
ព័ត៌មានជាតិ៤ ថ្ងៃ agoក្រសួងវប្បធម៌ ព្រមានចាត់វិធានការច្បាប់លើជនដែលនៅតែបន្តកែច្នៃ ប្រើគ្រឿងលម្អយកគំរូគ្រឿងឥស្សរិយយស«ព្រះរាជមហាកណ្ឋាភណ្ឌគ្រងរាជសម្បត្តិ»
-
ព័ត៌មានជាតិ៦ ថ្ងៃ agoអ្នកជំនាញ ទាញសញ្ញាបន្ទាត់ក្រហម វិបត្តិនយោបាយផ្ទៃក្នុងថៃអាចផ្ទេរមកជម្លោះព្រំដែនសារជាថ្មី
-
ព័ត៌មានជាតិ១ ថ្ងៃ agoក្រសួងសុខាភិបាល ត្រៀមបង្ការ និង ទប់ស្កាត់ការនាំចូលជំងឺឆ្លង ហាន់តា នៅអាកាសយានដ្ឋានអន្តរជាតិតេជោ
-
ព័ត៌មានជាតិ៤ ថ្ងៃ agoថៃលុបMoU 2001៖ សម្ដេចតេជោប្រាប់ថៃថា កុំបបួលកម្ពុជាចរចាទ្វេភាគីទៀត ត្រូវដឹកដៃគ្នាទៅរកយន្តការអន្តរជាតិ
-
ព័ត៌មានអន្ដរជាតិ២ ថ្ងៃ agoកូរ៉េខាងជើង ត្រៀមដាក់ពង្រាយកាំភ្លើងធំស៊េរីថ្មី នៅក្បែរព្រំដែន និងបង្អួតនាវាចម្បាំងខ្នាតយក្ស
-
ព័ត៌មានជាតិ១ ថ្ងៃ agoប្រព័ន្ធហ្វឹកហ្វឺនអាវុធជាអំណោយរបស់ឥណ្ឌា នឹងរួមចំណែកលើកកម្ពស់សមត្ថភាពកងទ័ពជើងគោកកម្ពុជា