ព័ត៌មានអន្ដរជាតិ
ក្រោយប្រសិទ្ធភាពដូចចិត្ត ពេលនេះ វៀតណាម អនុម័តថ្នាំកូវីដ Molnupiravir ប្រើប្រាស់ជាបន្ទាន់ហើយ
ក្រសួងសុខាភិបាលវៀតណាមបាននិយាយកាលពីថ្ងៃព្រហស្បតិ៍ថា ខ្លួនបានអនុម័តជាលើកដំបូងនូវថ្នាំគ្រាប់ប្រឆាំងជំងឺកូវីដ ១៩ ចំនួន ៣ ដែលមានផ្ទុកសារធាតុ Molnupiravir សម្រាប់ការប្រើប្រាស់ជាបន្ទាន់ ។
តំណាងរដ្ឋបាលឱសថនៃប្រទេសវៀតណាមក្រោមក្រសួងសុខាភិបាលបានឲ្យដឹងថា ថ្នាំទាំង ៣ នោះមានថ្នាំ Molravir 400 របស់ក្រុមហ៊ុន Boston Pharma ថ្នាំ Movinavir 200 មីល្លីក្រាម របស់ក្រុមហ៊ុន Mekophar Chemical Pharmaceutical និងថ្នាំ Molnupiravir Stella 400 ដោយក្រុមហ៊ុន Stellapharm ហើយថ្នាំទាំងនេះគឺជាថ្នាំប្រឆាំងជំងឺកូវីដ ១៩ ដំបូងគេដែលត្រូវបានអនុម័តនៅក្នុងប្រទេសវៀតណាម ។
លោក Le Van Truyen ប្រធានក្រុមប្រឹក្សាប្រឹក្សាសម្រាប់ការចុះបញ្ជីចរាចរឱសថ និងគ្រឿងផ្សំឱសថ បាននិយាយថា ការសម្រេចចិត្តអនុម័តថ្នាំ Molnupiravir ដែលផលិតក្នុងស្រុកមានន័យថា វៀតណាមអាចផលិតឱសថប្រឆាំងកូវីដដោយខ្លួនឯងបានហើយ ។
ទន្ទឹមនោះ វាក៏កើតឡើង ស្របពេលដែលក្រសួងសុខាភិបាលវៀតណាមបានប្រកាសថា ការសាកល្បងសម្រាប់ថ្នាំគ្រាប់ Molnupiravir ដែលត្រូវបានបង្កើតឡើងដោយក្រុមហ៊ុនឱសថអាមេរិក Merck សម្រាប់ព្យាបាលកូវីដនៅក្នុងប្រទេសវៀតណាម មិនឃើញមានអ្នកស្លាប់នោះទេ ។
ការសាកល្បងនេះត្រូវបានធ្វើឡើងនៅក្នុងទីក្រុង និងខេត្តចំនួន ២២ ហើយបានបង្ហាញថា ថ្នាំនេះមានសុវត្ថិភាព និងមានប្រសិទ្ធភាពក្នុងការកាត់បន្ថយការផ្ទុកមេរោគ ការឆ្លង និងពេលវេលានៃការព្យាបាលជាដើម ។
បើយោងតាមក្រសួងសុខាភិបាលបានឲ្យដឹងថា បន្ទាប់ពីការប្រើប្រាស់រយៈពេល ៥ ថ្ងៃ កូវីដនៅក្នុងខ្លួនអ្នកជំងឺគឺតិចតួចប៉ុណ្ណោះ ហើយអត្រាជាសះស្បើយបានកើនឡើងពី ៧២.១ ទៅ ៩៩.១ ភាគរយ ។ ចំណែកបន្ទាប់ពី ១៤ ថ្ងៃ ភាគរយជាសះស្បើយគឺជិត ១០០ ភាគរយឯណោះ ។ មានតែអ្នកជំងឺប្រហែល ០.០២ ទៅ ០.០៦ ភាគរយប៉ុណ្ណោះដែលមានសភាពធ្ងន់ធ្ងរ ប៉ុន្តែមិនស្លាប់នោះទេ ៕
ប្រែសម្រួលដោយ ៖ ជីវ័ន្ត
ប្រភព ៖ VNExpress
ចុចអាន ៖ វៀតណាម សាកល្បងថ្នាំកូវីដ Molnupiravir រួចហើយ ឯប្រសិទ្ធភាពដូចចិត្ត
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម២១ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ