ព័ត៌មានអន្ដរជាតិ
វៀតណាម សាកល្បងថ្នាំកូវីដ Molnupiravir រួចហើយ ឯប្រសិទ្ធភាពដូចចិត្ត (មានវីដេអូ)
ក្រសួងសុខាភិបាលវៀតណាមបានប្រកាសថា ការសាកល្បងសម្រាប់ថ្នាំគ្រាប់ Molnupiravir ដែលត្រូវបានបង្កើតឡើងដោយក្រុមហ៊ុនឱសថអាមេរិក Merck សម្រាប់ព្យាបាលកូវីដនៅក្នុងប្រទេសវៀតណាម មិនឃើញមានអ្នកស្លាប់នោះទេ ។
ការសាកល្បងនេះត្រូវបានធ្វើឡើងនៅក្នុងទីក្រុង និងខេត្តចំនួន ២២ ហើយបានបង្ហាញថា ថ្នាំនេះមានសុវត្ថិភាព និងមានប្រសិទ្ធភាពក្នុងការកាត់បន្ថយការផ្ទុកមេរោគ ការឆ្លង និងពេលវេលានៃការព្យាបាលជាដើម ។
បើយោងតាមក្រសួងសុខាភិបាលបានឲ្យដឹងថា បន្ទាប់ពីការប្រើប្រាស់រយៈពេល ៥ ថ្ងៃ កូវីដនៅក្នុងខ្លួនអ្នកជំងឺគឺតិចតួចប៉ុណ្ណោះ ហើយអត្រាជាសះស្បើយបានកើនឡើងពី ៧២.១ ទៅ ៩៩.១ ភាគរយ ។ ចំណែកបន្ទាប់ពី ១៤ ថ្ងៃ ភាគរយជាសះស្បើយគឺជិត ១០០ ភាគរយឯណោះ ។ មានតែអ្នកជំងឺប្រហែល ០.០២ ទៅ ០.០៦ ភាគរយប៉ុណ្ណោះដែលមានសភាពធ្ងន់ធ្ងរ ប៉ុន្តែមិនស្លាប់នោះទេ ។
ទន្ទឹមនោះ រដ្ឋមន្ត្រីក្រសួងសុខាភិបាល លោក Nguyen Thanh Long បាននិយាយថា ការសាកល្បងសម្រាប់ថ្នាំ Molnupiravir នៅក្នុងប្រទេសវៀតណាម ទទួលបានលទ្ធផលល្អ និងស្របតាមការរកឃើញដោយក្រុមហ៊ុន Merck និងអ្នកផលិតថ្នាំដទៃទៀត ។
លោក Long បាននិយាយថា “ថ្នាំនេះមានសុវត្ថិភាព និងមានផលប៉ះពាល់តិចតួចប៉ុណ្ណោះ ។ ប្រសិនបើមានកូវីដ ពួកវានឹងបាត់ទៅវិញ បន្ទាប់ពីមួយ ឬពីរថ្ងៃនៃការប្រើប្រាស់ថ្នាំ ហើយបើរហូតដល់ ១៤ ថ្ងៃគឺជាសះស្បើយដាច់តែម្ដង” ។
លោកបន្ថែមថា វៀតណាមក៏បាននាំចូលថ្នាំនេះយ៉ាងច្រើនផងដែរ ហើយក្រសួងក៏បានអនុញ្ញាតឲ្យអាជីវកម្មចំនួន ៣៩ ដើម្បីផលិតថ្នាំនេះ ហើយអាជ្ញាធរកំពុងធ្វើការជាមួយក្រុមហ៊ុន Merck ដូច្នេះវាអាចត្រូវបានអនុម័តឲ្យបានឆាប់តាមដែលអាចធ្វើទៅបាន ។
គួរបញ្ជាក់ថា ការសាកល្បងសម្រាប់ថ្នាំ Molnupiravir នៅក្នុងប្រទេសវៀតណាម ត្រូវបានចាប់ផ្តើមនៅក្នុងខែសីហាឆ្នាំមុន ហើយថ្នាំនេះបានប្រើលើអ្នកជំងឺកូវីដក្នុងកម្រិតស្រាល ៕
សូមទស្សនាវីដេអូ!
ប្រែសម្រួលដោយ ៖ ជីវ័ន្ត
ប្រភព ៖ VNExpress
ចុចអាន ៖ វៀតណាម ចាត់ទុក កូវីដ ជាជំងឺធម្មតា និងត្រៀមរស់នៅជាមួយវីរុសនេះ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត