ព័ត៌មានអន្ដរជាតិ
WHO កំពុងធ្វើការសម្រេចចិត្តអំពីការយល់ព្រមប្រើប្រាស់ជាបន្ទាន់នូវវ៉ាក់សាំងរបស់ក្រុមហ៊ុនធំៗ
ប្រធានអ្នកវិទ្យាសាស្រ្តរបស់ WHO បាននិយាយកាលពីថ្ងៃសុក្រ ទី ១១ ខែធ្នូ ថា អង្គការសុខភាពពិភពលោក (WHO) រំពឹងថានឹងធ្វើការសម្រេចចិត្តលើការយល់ព្រមប្រើប្រាស់ជាបន្ទាន់ចំពោះវ៉ាក់សាំងកូវីដ ១៩ ពីក្រុមហ៊ុនអាមេរិក Pfizer-BioNTech ក្រុមហ៊ុន Moderna និងក្រុមហ៊ុនអង់គ្លេស AstraZeneca ប៉ុន្មានសប្តាហ៍ខាងមុខនេះ ។
លោក Soumya Swaminathan បាននិយាយថា ស្ថាប័នសុខភាពពិភពលោកអាចធ្វើការសម្រេចចិត្តលើបេក្ខជនវ៉ាក់សាំងរបស់ក្រុមហ៊ុន Pfizer ក្នុងរយៈពេលពីរ ឬបីសប្តាហ៍ទៀត ហើយក្រោយមកបាននិយាយថា ខ្លួនក៏អាចពិនិត្យឡើងវិញនូវវ៉ាក់សាំងរបស់ក្រុមហ៊ុន Moderna និងក្រុមហ៊ុន AstraZeneca ក្នុងរយៈពេលប៉ុន្មានសប្តាហ៍ទៀត ។
លោក Swaminathan បាននិយាយថា យ៉ាងហោចណាស់មានក្រុមហ៊ុនចំនួន ១០ បានបង្ហាញចំណាប់អារម្មណ៍ ឬដាក់សំណើសុំការយល់ព្រមប្រើប្រាស់ជាបន្ទាន់សម្រាប់វ៉ាក់សាំងរបស់ខ្លួន ។
វ៉ាក់សាំង Pfizer បានទទួលការយល់ព្រមជាបន្ទាន់នៅក្នុងប្រទេសអង់គ្លេស និងកាណាដា ហើយអាចទទួលបានការយល់ព្រមពីសហរដ្ឋអាមេរិកក្នុងរយៈពេលប៉ុន្មានថ្ងៃទៀត ខណៈដែលអង់គ្លេសគឺជាប្រទេសដំបូងបានចាក់វ៉ាក់សាំងរួចហើយនៅសប្តាហ៍នេះ ។
ចំណែកលោក Tedros Adhanom Ghebreyesus អគ្គនាយក WHO បាននិយាយថា វ៉ាក់សាំងជិតមួយពាន់លានដូសត្រូវបានធានាសម្រាប់កម្មវិធី COVAX ដើម្បីផ្តល់ការចាក់ថ្នាំបង្ការសម្រាប់ប្រទេសដែលមានប្រាក់ចំណូលទាប និងមធ្យមដោយមានប្រទេសចំនួន ១៨៩ ចូលរួម ។
ទន្ទឹមនោះមន្ត្រី WHO ក៏បានពណ៌នាពីវត្តមាននៃវ៉ាក់សាំងនេះថាជាការអភិវឌ្ឍដ៏សំខាន់មួយផងដែរ ប៉ុន្តែបានសង្កត់ធ្ងន់ម្តងហើយម្តងទៀតថាវានឹងចំណាយពេលយូរមុនពេលវ៉ាក់សាំងទាំងនេះអាចត្រូវបានដាក់លក់ទូទាំងពិភពលោក ហើយការផ្គត់ផ្គង់វ៉ាក់សាំងទំនងជាត្រូវបានកំណត់សម្រាប់ឆមាសទីមួយនៃឆ្នាំ ២០២១ ។
ក្នុងពេលនេះជំងឺរាតត្បាតកំពុងរីករាលដាលខ្លាំងនៅលើពិភពលោកហើយបណ្តាប្រទេសនានាត្រូវបន្តចាត់វិធានការផ្សេងទៀតដើម្បីទប់ស្កាត់ការឆ្លងដូចជាការធ្វើតេស្ត ការតាមដាន រស់នៅដាច់ដោយឡែក និងគម្លាតសង្គមជាដើម ខណៈលោក Tedros បានកត់សម្គាល់ថា ការស្លាប់ដោយសារមេរោគឆ្លងមួយនេះបានកើនឡើង ៦០ ភាគរយក្នុងរយៈពេល ៦ សប្តាហ៍ចុងក្រោយនេះ ។
គួរបញ្ជាក់ថា គិតត្រឹមពេលនេះនៅលើពិភពលោកមានករណីឆ្លងជំងឺកូវីដ ១៩ ចំនួន ៧១,៣៨១,៦៩៨ ករណី និងមានអ្នកស្លាប់ចំនួន ១,៦០០,០៩០ នាក់ ៕
ប្រែសម្រួលដោយ ៖ ជីវ័ន្ត
ប្រភព ៖ REUTERS
ចុចអាន ៖ អាមេរិកក៏នឹងមិនចាក់វ៉ាក់សាំងកូវីដរបស់ក្រុមហ៊ុន Pfizer ដល់ក្រុមមនុស្សប្រភេទនេះដែរ
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៤៥ នាទី ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៨ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)