ព័ត៌មានអន្ដរជាតិ
អូស្ត្រាលី ស្វាគមន៍ភ្ញៀវទេសចរអន្តរជាតិលើកដំបូង ក្រោយបិទជិត ២ឆ្នាំ ដោយសារកូវីដ
អូស្ត្រាលីនឹងទទួលស្វាគមន៍ភ្ញៀវទេសចរអន្តរជាតិនៅថ្ងៃចន្ទ ទី២១ ខែកុម្ភៈ បន្ទាប់ពីបិទព្រំដែនរបស់ខ្លួន ជិតពីរឆ្នាំ ដោយសារវីរុសរាតត្បាតកូវីដ-១៩ ខណៈការបើកនេះដោយសម្អាងលើអត្រាចាក់វ៉ាក់សាំងកូវីដ-១៩បានខ្ពស់ និងដោយស្របតាមបរិបទរស់នៅជាមួយជំងឺរាតត្បាតផង។
នាយករដ្ឋមន្ត្រី Scott Morrison បានប្រាប់សន្និសីទសារព័ត៌មាននៅថ្ងៃអាទិត្យ ឯអាកាសយានដ្ឋានអន្តរជាតិ Melbourne ថា “ការរង់ចាំបានបញ្ចប់ហើយ”។ ការបើកទ្វាររបស់ អូស្ត្រាលី ដល់ភ្ញៀវទេសចរ គឺជាសក្ខីកាមបង្ហាញថាប្រទេស អូស្ត្រាលី អាចរស់នៅជាមួយវីរុសកូវីដ-១៩ ហើយក៏ជាការបញ្ជាក់ច្បាស់ផងដែរថា សាធារណជនបានចាក់វ៉ាក់សាំងពេញលេញមានអត្រាខ្ពស់បំផុត។
ការពិតទៅ អូស្ត្រាលីបានបើកដំណើរការទេសចរជាបណ្តើរៗចាប់តាំងពីខែវិច្ឆិកា ឆ្នាំ២០២១មកម្ល៉េះ ដោយដំបូងអនុញ្ញាតឱ្យពលរដ្ឋអូស្ត្រាលីធ្វើដំណើរចូល និងចេញក្រៅប្រទេស បន្ទាប់មកទទួលយកនិស្សិតអន្តរជាតិ និងកម្មករមួយចំនួន ខណៈចាប់ពីថ្ងៃចន្ទស្អែកនេះ អ្នកដំណើរកម្សាន្ត និងអ្នកដំណើរអាជីវកម្ម អាចចូលបានជាធម្មតាវិញ។
លោក Steve Hughes ប្រធានផ្នែកធនាគារពាណិជ្ជរបស់ HSBC នៅប្រទេសអូស្ត្រាលីបាននិយាយថា “ការបើកដំណើរការប្រទេសឡើងវិញជួយពង្រឹងសេដ្ឋកិច្ចអូស្រ្តាលី ហើយអនុញ្ញាតឱ្យក្រុមហ៊ុនដែលមានផលប្រយោជន៍អន្តរជាតិ ងាយស្រួលធ្វើអាជីវកម្ម”។ ក្នុងនោះក្រុមហ៊ុនខ្នាតមធ្យម នឹងមានឱកាសពង្រីកជំនួញរបស់ខ្លួននៅឯនាយសមុទ្រផងដែរ។
គួរបញ្ជាក់ថា អ្នកទេសចរដែលទទួលថ្នាំបង្ការពេញលេញនឹងមិនចាំបាច់ធ្វើចត្តាឡីស័កឡើយ ប៉ុន្តែអ្នកដែលមិនចាក់វ៉ាក់សាំងពីរដូសនឹងតម្រូវឱ្យធ្វើចត្តាឡីស័ក ព្រមទាំងបំពេញលក្ខណ្ឌផ្សេងទៀតតាមរដ្ឋនីមួយៗរបស់ប្រទេស៕
ប្រែសម្រួល៖ សន្យា
ប្រភព៖ CNA
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២១ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore