ព័ត៌មានអន្ដរជាតិ

ក្រោយប្រកាសអាសន្ន អូមីក្រុង ថៃ ហាមប្រជាជន កុំទៅកន្លែងគ្រោះថ្នាក់ បើមិនចាំបាច់

បានផុស

៤ years មុន

នៅ

ថ្ងៃអង្គារ ២២ កុម្ភៈ ២០២២

ដោយ

ក្រោយក្រសួងសុខាភិបាលថៃ បានប្រកាសអាសន្នពីជំងឺកូវីដ និង អូមីក្រុង ឡើងដល់កម្រិត ៤ ដែលចំនួនអ្នកឆ្លងកើនឡើងរហ័ស មិនបានប៉ុន្មានម៉ោងផង ក៏ស្រាប់តែចេញបម្រាមមួយទៀត ដោយហាមប្រជាជន មិនឲ្យទៅកន្លែងប្រថុយប្រថាន បើគ្មានការចាំបាច់។

ការហាមនេះ គឺធ្វើឡើងទូទាំងប្រទេស និងបានធ្វើសេចក្តីណែនាំសម្រាប់វិធានការគ្រប់គ្រងជំងឺ ដោយលោកវេជ្ជបណ្ឌិត Thongchai Keeratihatthayakon អនុរដ្ឋលេខាធិការក្រសួងសុខាភិបាលបានមានប្រសាសន៍ថា ក្នុងរយៈពេល ១-២ សប្ដាហ៍ កម្រិតអ្នកឆ្លងមានការកើនឡើងរហ័ស ដោយសារតែ omicron គឺមានការឆ្លងខ្ពស់ជាង delta ១០ដងប៉ុន្តែប្រសិនបើឆ្លងច្រើនជាងនេះ ទៅក្រុមដែលមានហានិភ័យខ្ពស់ នោះនឹងកាន់តែខ្ពស់មិនខាន។

ដោយអ្នកដែលមានមេរោគនៅក្នុងក្រុមអាយុដែលធ្វើការ និងកុមារជាច្រើនទៀត ក្រុមទាំងនេះ នឹងមកជុំគ្នាញ៉ាំអាហារ ហើយនឹងនាំការឆ្លងមេរោគនេះ ទៅដល់ក្រុមងាយរងគ្រោះ និងបានរកឃើញថា ជាង ៩០ ភាគរយ មានរោគសញ្ញាស្រាល ហើយច្រើនជាង ៥០ ភាគរយ មិនបញ្ចេញរោគសញ្ញាទាល់តែសោះ។ ដូច្នេះ ពួកគេមិនបានប្រុងប្រយ័ត្នចំពោះវិធានការបង្ការ ដើម្បីគ្រប់គ្រងជំងឺសំខាន់ៗនោះទេ។

ទន្ទឹមនោះ ស្ទើរតែគ្រប់ខេត្តទាំងអស់ នឹងដំឡើងកម្រិតនៃការព្រមាន អំពីជំងឺកូវីដ និងអូមីក្រុង ពីកម្រិតទី ៣ ដល់កម្រិតទី ៤ ជាមួយនឹងវិធានការតឹងរ៉ឹងដូចខាងក្រោម៖

១ ហាមទៅកន្លែងប្រថុយប្រថាន បើកតែកន្លែងដែលចាំបាច់ ដូចជាហាងអាហារ (សម្រាប់វេច្ចខ្ចប់) ហាងលក់គ្រឿងទេសសម្រាប់ជីវិតប្រចាំថ្ងៃប៉ុណ្តោះ។

២ ចៀសវាងការញ៉ាំអាហារជុំគ្នា ការធ្វើការងារសង្គម ឬជំនួបធំៗ មិនថា បុណ្យទាន ការចូលរួមក្នុងពិធីមង្គលការ ហើយបើគ្មានការចាំបាច់ទេ សូមចៀសវាងដាច់ខាត។

៣ វិធានការធ្វើការនៅផ្ទះ ត្រូវចាប់ផ្ដើមឡើងវិញ បើមិនចាំបាច់ទេ កុំប្រមូលផ្ដុំគ្នាឲ្យសោះ។

៤ ការធ្វើដំណើរឆ្លងតាមតំបន់ ឬឆ្លងខេត្ត ត្រូវបានហាមឃាត់ បើពុំមានការចាំបាច់ ៕

ប្រែសម្រួល៖ សាង ស្រីល័ក្ខ

ចុចអាន៖កុំមើលស្រាល! អូមីក្រុង វាយលុកខ្លាំងឡើងៗ ថៃប្រកាសអាសន្នហើយ

ចុចអាន៖រោគសញ្ញាគួរតាមដាន អូមីក្រុងបំបាំងកាយ កំពុងបង្កគ្រោះថ្នាក់ប្រទេសជាប់ កម្ពុជា