ព័ត៌មានអន្ដរជាតិ
មនុស្សរាប់ម៉ឺននាក់ក្នុងទីក្រុងធំៗទូទាំងពិភពលោកតវ៉ាឲ្យរុស្ស៊ីបញ្ឈប់សង្គ្រាម
ការតវ៉ាបានកើតឡើងមុនគេនៅខាក្រៅស្ថានទូតរុស្ស៊ី ក្នុងទីក្រុងវ៉ាស៊ីនតោនកាលពីថ្ងៃព្រហស្បតិ៍ រយៈពេល៣ម៉ោង បន្ទាប់ពីលោកប្រធានាធិបតី វ្លាឌីមៀរ ពូទីន បាននិយាយថា លោកបានចាប់ផ្តើមវាយប្រហារហើយ។
តាមសារព័ត៌មានក្នុងស្រុកបានផ្សាយថា មនុស្សរាប់ពាន់នាក់នៅរដ្ឋធានីរបស់សហរដ្ឋអាមេរិកបានកាន់ទង់ជាតិអ៊ុយក្រែន និងបាននាំគ្នាស្រែកថា «ឈប់ឈ្លានពានទៅរុស្ស៊ី»។
នៅទីក្រុងឡុងដ៍ ចក្រភពអង់គ្លេស បាតុកររាប់ពាន់នាក់ដែលមានជនជាតិអ៊ុយក្រែនជាច្រើននាក់ និងអ្នកខ្លះកំពុងយំបានជួបជុំគ្នានៅខាងក្រៅតំបន់ Downing Street ដែលជាគេហដ្ឋានរបស់លោកនាយករដ្ឋមន្ត្រីដើម្បីជំរុញឲ្យអង់គ្លេសចាត់វិធានការឲ្យខ្លាំងឡើងថែមទៀត។
អ្នកតវ៉ាម្នាក់បាននិយាយថា ៖«យើងត្រូវការជំនួយ។ យើងត្រូវការនរណាម្នាក់ជួយគាំទ្រពួកយើង។ អ៊ុយក្រែនតូចណាស់ ហើយរងសម្ពាធដ៏ធំ»។
នៅទីក្រុងបារីស ប្រទេសបារាំងវិញ អ្នកតវ៉ាម្នាក់ក្នុងចំណោមអ្នកតវ៉ារាប់រយនាក់បាននិយាយថា ៖«ខ្ញុំមានអារម្មណ៍ថា យើងស្ថិតក្នុងពេលវេលាគ្រោះថ្នាក់ណាស់ក្នុងពិភពលោកទាំងមូល»។
នៅទីក្រុង Madrid ប្រទេសអេស្ប៉ាញ តារាសម្តែងអេស្ប៉ាញម្ចាស់ពានរង្វាន់ Oscar លោក Javier Bardem ក៏បានចូលរួមក្នុងបាតុកម្មដែលមានអ្នកតវ៉ារាប់ពាន់នាក់នៅខាងក្រៅស្ថានទូតរុស្ស៊ី។
លោក Bardem បាននិយាយថា ៖«វាជាការឈ្លានពាន…។ វាបានបំពានសិទ្ធិជាមូលដ្ឋានរហូតដល់អធិបតេយ្យភាពរបស់អ៊ុយក្រែន និងច្បាប់អន្តរជាតិ ព្រមទាំងអ្វីៗជាច្រើនទៀត»។
ទង់ជាតិខ្នាតយក្សត្រូវបានលើកនៅទីលាន Times Square ក្នុងទីក្រុង Manhattan ដោយហ្វូងអ្នកតវ៉ារាប់រយនាក់។
នៅរដ្ឋធានី Bern របស់ប្រទេសស្វីស មនុស្សរាប់រយនាក់បានប្រមូលផ្តុំគ្នា ដោយបានកាន់ទង់ជាតិអ៊ុយក្រែន និងនាំគ្នាស្រែកថា «សន្តិភាពដើម្បីអ៊ុយក្រែន!»។
បុរសឈ្មោះ Agapi Tamir អាយុ២៨ឆ្នាំដែលបានចូលរួមជាមួយក្រុមតវ៉ានៅសហគមន៍អ៊ុយក្រែនក្នុងប្រទេសក្រិកបាននិយាយថា ៖«រឿងតែមួយគត់ដែលយើងជឿគឺថា អព្ភូតហេតុណាមួយនឹងជួយបញ្ឈប់រឿងដ៏អាក្រក់ និងគួរឲ្យភ័យខ្លាចដែលកំពុងកើតឡើងឥឡូវនេះ»។
ស្របពេលជាមួយគ្នានេះនៅទីក្រុងហ្សឺណែវ ក៏មានការតវ៉ាដែលរៀបចំដោយយុទ្ធនាការអន្តរជាតិដែលឈ្នះរង្វាន់ណូបែលសន្តិភាពដើម្បីលុបបំបាត់អាវុធនុយក្លេអ៊ែរ (ICAN) នៅខាងក្រៅទីស្នាក់ការសហភាពអឺរ៉ុបរបស់អង្គការសហប្រជាជាតិបានថ្កោលទោសថា ការគំរាមកំហែងរបស់លោក ពូទីន គឺប្រើអាវុធនុយក្លេអ៊ែរ។
ការតវ៉ានៅទីក្រុងជាច្រើនទៀតក៏បានកើតឡើងដូចជា Beirut, Tel Aviv, Dublin, Prague រួមទាំងទីក្រុងរុស្ស៊ីដូចជា មូស្គូ St Petersburg និង Yekaterinburg ដែលបាននាំគ្នាស្រែកថា «បញ្ឈប់សង្គ្រាមទៅ!»។ នៅរុស្ស៊ី ប៉ូលិសបានចាប់អ្នកតវ៉ា១៦៦៧នាក់នៅក្នុងទីក្រុង៥៣៕
ប្រែសម្រួល៖ វីរបុត្រ
ប្រភព៖ reuters
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត