យន្តហោះដ្រូន អាមេរិក ទំនងដឹកនាំ អ៊ុយក្រែន វាយប្រហារលើនាវា រុស្ស៊ី

អ្នកនាំពាក្យក្រសួងការពារជាតិរុស្ស៊ីលោក Igor Konashenkov បាននិយាយថា មានភាគរយខ្ពស់ដែលយន្តហោះដ្រូនរបស់អាមេរិកបានហោះហើរក្នុងដែនអាកាស ដឹកនាំនាវាចម្បាំងអ៊ុយក្រែនដែលប៉ុនប៉ងវាយប្រហារលើនាវានៃកងនាវាចរសមុទ្រខ្មៅរបស់រុស្ស៊ី ក្នុងអំឡុងប្រតិបត្តិការកាលពីយប់ថ្ងៃសុក្រ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Konashenkov បាននិយាយនៅក្នុងសន្និសីទខ្លីមួយកាលពីថ្ងៃសៅរ៍ថា “ខ្ញុំចង់បង្ហាញការយកចិត្តទុកដាក់ជាពិសេសចំពោះការពិតដែលថា ក្នុងអំឡុងពេលនៃការវាយប្រហារដោយនាវាអ៊ុយក្រែន យន្តហោះយុទ្ធសាស្ត្រ US RQ-4 Global Hawk និង MQ9A Reaper បាននិងកំពុងហោះហើរនៅលើតំបន់នោះ” ។

យោងតាមព័ត៌មានរបស់លោក Konashenkov បានឲ្យដឹងថា នាវាចម្បាំងកងទ័ពជើងទឹកអ៊ុយក្រែនចំនួន ១៦ គ្រឿងបានប្រើ ‘យុទ្ធសាស្ត្រវាយប្រហារ’ លើនាវាចម្បាំងរុស្ស៊ីនៅជិតកោះ Zmiinyi (កោះពស់) នៃទីក្រុង Odessa ភាគនិរតីនៃប្រទេសអ៊ុយក្រែនកាលពីយប់ថ្ងៃសុក្រ ក្នុងអំឡុងពេលជម្លៀសបុគ្គលិកឆ្មាំព្រំដែនអ៊ុយក្រែនចំនួន ៨២ នាក់ ដែលបានលើកទង់ ស ចុះចាញ់នឹងកងកម្លាំងរុស្ស៊ីចេញពីដែនកោះ ។

អ្នក​នាំ​ពាក្យ​រូប​នេះ​បាន​និយាយ​ថា ក្នុង​ការ​ប្រយុទ្ធ​គ្នា ទូក​អ៊ុយក្រែន​ ៦ ​គ្រឿង​ត្រូវ​បាន​បំផ្លាញ ប៉ុន្តែគ្មានទាហានអ៊ុយក្រែន ៨២ នាក់ដែលទទួលបានពីកោះ Zmiinyi រងរបួសនោះទេ ។

ទោះបីជាយ៉ាងណាក៏ដោយកាលពីថ្ងៃសៅរ៍ យោធារុស្ស៊ីបានចេញផ្សាយវីដេអូដែលបង្ហាញពីបុគ្គលិកយោធាអ៊ុយក្រែនចំនួន ៨២ នាក់ដែលត្រូវបានគេយកចេញពីកោះនោះបានឡើងលើគោកនៅទីក្រុង Sevastopol នៃតំបន់គ្រីមៀ និងត្រូវបានចែកចាយអាហារ មុនពេលត្រូវបានគេដាក់លើឡានក្រុង ហើយបញ្ជូនទៅផ្ទះវិញ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ អាមេរិក ថា ទណ្ឌកម្មប្រឆាំង រុស្ស៊ី ជុំវិញបញ្ហានៅ អ៊ុយក្រែន គឺជា “សង្គ្រាមលោកលើទី ៣”