អាមេរិក ថា ទណ្ឌកម្មប្រឆាំង រុស្ស៊ី ជុំវិញបញ្ហានៅ អ៊ុយក្រែន គឺជា “សង្គ្រាមលោកលើទី ៣”

សហរដ្ឋអាមេរិក និងសម្ព័ន្ធមិត្តរបស់ខ្លួនបានដាក់ទណ្ឌកម្មមួយចំនួនប្រឆាំងនឹងមន្ត្រីរុស្ស៊ី ពាណិជ្ជករ ធនាគារ និងវិស័យសេដ្ឋកិច្ចទាំងមូលជុំវិញប្រតិបត្តិការយោធាដែលកំពុងបន្តរបស់ទីក្រុងមូស្គូក្នុងប្រទេសអ៊ុយក្រែន ដែលកំណត់ដោយប្រធានាធិបតីរុស្ស៊ីលោក វ្ល៉ាឌីមៀ ពូទីន ជា “ប្រតិបត្តិការយោធាពិសេស” ។

ទន្ទឹមនោះប្រធានាធិបតីអាមេរិកលោក ចូ បៃដិន បាននិយាយថា ជម្រើសតែមួយគត់ក្នុងការដាក់ទណ្ឌកម្មរុស្ស៊ីចំពោះសកម្មភាពយោធាលើអ៊ុយក្រែននឹងក្លាយជាការចាប់ផ្តើមនៃ “សង្រ្គាមលោកលើកទី ៣” ។

លោក បៃដិន បាននិយាយនៅក្នុងបទសម្ភាសន៍ជាមួយលោក Brian Tyler Cohen ថា “អ្នកមានជម្រើស ២ ។ ទី ១ ចាប់ផ្តើមសង្រ្គាមលោកលើកទី ៣ ដោយទៅធ្វើសង្រ្គាមជាមួយរុស្ស៊ីផ្ទាល់ ។ ទី ២ ត្រូវប្រាកដថាប្រទេសដែលប្រព្រឹត្តផ្ទុយនឹងច្បាប់អន្តរជាតិនឹងត្រូវបង់ថ្លៃសម្រាប់ការធ្វើវា” ។

លោក បៃដិន បាននិយាយថា “ការដាក់ទណ្ឌកម្មនេះមានន័យថា អ្នកនឹងមិនអាចក្លាយជាប្រធានាធិបតីនៃប្រទេសរុស្ស៊ីបានទៀតទេ ។ ប៉ុន្តែខ្ញុំគិតថា ទណ្ឌកម្មទាំងនេះគឺជាទណ្ឌកម្មទ្រង់ទ្រាយធំបំផុតនៅក្នុងប្រវត្តិសាស្ត្រ ទាំងទណ្ឌកម្មសេដ្ឋកិច្ច និងទណ្ឌកម្មនយោបាយ” ។

លោក បៃដិន បញ្ជាក់ថា “គោលដៅរបស់គាត់តាំងពីដំបូងគឺដើម្បីរក្សាណាតូ និងសហភាពអឺរ៉ុបនៅលើទំព័រតែមួយ ។ ការដាក់ទណ្ឌកម្មនេះគឺជាការសម្រេចឯកច្ឆ័ន្ទទាំងស្រុង ហើយរុស្ស៊ីនឹងចំណាយយ៉ាងធ្ងន់ធ្ងរសម្រាប់សង្គ្រាម​រយៈពេល​ខ្លី និង​រយៈពេល​វែង​ ជាពិសេសសង្គ្រាម​រយៈពេល​វែង​” ​។

គួរបញ្ជាក់ថា រុស្ស៊ីបានចាប់ផ្តើមប្រតិបត្តិការយោធាមួយនៅអ៊ុយក្រែនកាលពីថ្ងៃព្រហស្បតិ៍ ខណៈលោក ពូទីន បាននិយាយថា គោលបំណងនៃប្រតិបត្តិការនេះគឺដើម្បីការពារប្រជាជនដែលអស់រយៈពេល ៨ ឆ្នាំមកនេះបានប្រឈមមុខនឹងភាពអាម៉ាស់ និងការប្រល័យពូជសាសន៍ដែលប្រព្រឹត្តដោយរបបក្រុងគៀវ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ ប្រទេសលោកខាងលិច ដឹកអាវុធប្រឆាំងរថក្រោះរាប់ពាន់គ្រឿងទៅជួយ អ៊ុយក្រែន