រឿងកាន់តែធំ! ពូទីន បញ្ជាឲ្យត្រៀមបាញ់អាវុធ នុយក្លេអ៊ែរ ហើយ! (មានវីដេអូ)

លោក វ្ល៉ាឌីមៀរ ពូទីន បានបញ្ជាឲ្យកងកម្លាំងនុយក្លេអ៊ែររបស់ប្រទេសរុស្ស៊ី ត្រូវត្រៀមខ្លួនឲ្យបានប្រយ័ត្នប្រយែងមែនទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកប្រធានាធិបតីបាននិយាយថា សេចក្តីថ្លែងការណ៍ដ៏គឃ្លើនរបស់មេដឹកនាំណាតូ និងការដាក់ទណ្ឌកម្មសេដ្ឋកិច្ចប្រឆាំងនឹងទីក្រុងមូស្គូ គឺជាអ្វីនៅពីក្រោយការសម្រេចចិត្តនេះ។

ថ្លែងតាមទូរទស្សន៍រដ្ឋកាលពីថ្ងៃអាទិត្យទី២៧ខែកុម្ភៈ លោកបាននិយាយថា “ដូចដែលអ្នកឃើញស្រាប់ហើយ មិនត្រឹមតែបណ្តាប្រទេសលោកខាងលិចចាត់វិធានការមិនរាក់ទាក់ប្រឆាំងនឹងប្រទេសរបស់យើងលើផ្នែកសេដ្ឋកិច្ចប៉ុណ្ណោះទេ ពោលគឺជាទណ្ឌកម្មខុសច្បាប់ដែលមនុស្សគ្រប់គ្នាដឹងអំពី”។ 

“ប៉ុន្តែ​​មន្ត្រី​ជាន់​ខ្ពស់​នៃ​ប្រទេស​ឈាន​មុខ​របស់​អង្គការណាតូ ក៏​អនុញ្ញាត​ឲ្យ​ខ្លួន​គេ ​ធ្វើ​សេចក្តី​ថ្លែងការណ៍ដ៏គឃ្លើន ទាក់ទង​នឹង​ប្រទេស​របស់​យើងផងដែរ”។

“​ដោយសារ​ហេតុផល​នេះ ខ្ញុំសូម​បញ្ជា​ឲ្យ​រដ្ឋមន្ត្រី​ក្រសួងការពារជាតិ និង​នាយ​អគ្គសេនាធិការ​ទាំងអស់ ដាក់​កម្លាំងនុយក្លេអ៊ែរត្រៀមធ្វើ​កាតព្វកិច្ច​ប្រយុទ្ធ​ពិសេស​”។

វិធានការនេះ នឹងបង្កើនការភ័យខ្លាចនៅទូទាំងលោកខាងលិចដែលថា កងកម្លាំងរុស្ស៊ីអាចប្រើប្រាស់អាវុធនុយក្លេអ៊ែរក្នុងជម្លោះជាមួយអ៊ុយក្រែន។

មន្ត្រីជាន់ខ្ពស់សេតវិមានបានពណ៌នាថា វាជាជំហានមួយទៀតដែលកាន់តែតានតឹង និងមិនចាំបាច់ទាល់តែសោះ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ SKY

ចុចអាន៖ លើកដំបូងក្នុងប្រវត្តិសាស្រ្ត! EU បញ្ជូនសព្វាវុធទៅ អ៊ុយក្រែន