ព័ត៌មានអន្ដរជាតិ
UN អនុម័តសេចក្តីសម្រេច ថ្កោលទោសរុស្ស៊ី ក្នុងនោះ កម្ពុជា បោះឆ្នោតគាំទ្រ (មានវីដេអូ)
មហាសន្និបាតអង្គការសហប្រជាជាតិកាលពីថ្ងៃពុធទី២ខែមីនា បានបោះឆ្នោតយ៉ាងលើសលប់ដើម្បីថ្កោលទោសប្រទេសរុស្ស៊ី ចំពោះការវាយលុកអ៊ុយក្រែន ហើយទាមទារឲ្យទីក្រុងមូស្គូបញ្ឈប់ការប្រយុទ្ធ និងដកកងកម្លាំងយោធារបស់ខ្លួនចេញវិញ។
សេចក្តីសម្រេចដែលគាំទ្រដោយសមាជិកចំនួន១៤១ ក្នុងចំណោមសមាជិក១៩៣ប្រទេស របស់មហាសន្និបាតនេះ បានអនុម័តនៅក្នុងសម័យប្រជុំបន្ទាន់ដ៏កម្រមួយ ដែលស្នើឡើងដោយក្រុមប្រឹក្សាសន្តិសុខអង្គការសហប្រជាជាតិ។
ក្នុងចំណោមសមាជិកទាំង១៤១ប្រទេស ដែលបោះឆ្នោតគាំទ្រសេចក្តីសម្រេចនេះ ក៏រួមមានកម្ពុជាផងដែរ។
ទោះបីជាយ៉ាងណាក៏ដោយ រុស្ស៊ី បេឡារុស អេរីទ្រា កូរ៉េខាងជើង និងស៊ីរី ស្ថិតក្នុងចំណោមប្រទេសបោះឆ្នោតប្រឆាំងនឹងសេចក្តីសម្រេចនេះ។ ដោយឡែក សមាជិកចំនួន៣៥ រួមទាំងប្រទេសចិនផងដែរ បានអនុបវាទ។
ឯកអគ្គរដ្ឋទូតសហរដ្ឋអាមេរិកប្រចាំអង្គការសហប្រជាជាតិ លោកស្រី Linda Thomas-Greenfield បានប្រាប់មហាសន្និបាតថា ប្រទេសរុស្ស៊ីបានត្រៀមខ្លួនរួចជាស្រេចក្នុងការបង្កើនភាពឃោរឃៅនៃការវាយលុករបស់ខ្លួន ហើយជំរុញសមាជិក ឲ្យនាំទីក្រុងមូស្គូ មកទទួលខុសត្រូវចំពោះការរំលោភច្បាប់អន្តរជាតិរបស់ខ្លួន។
លោកស្រីបានលើកឡើងពីវីដេអូដែលទាហានរុស្ស៊ី ដឹកអាវុធធុនធ្ងន់ចូលក្នុងប្រទេសអ៊ុយក្រែន រួមទាំងគ្រាប់បែកចង្កោម និងគ្រាប់បែក Vacuum ដែលត្រូវបានហាមឃាត់ក្រោមច្បាប់អន្តរជាតិផងដែរ។
ទោះបីជាយ៉ាងណាក៏ដោយ បេសកជនអង្គការសហប្រជាជាតិរបស់រុស្សី លោក Vassily Nebenzia បានបដិសេធថា ទីក្រុងមូស្គូមិនបានកំណត់គោលដៅលើជនស៊ីវិលទេ ហើយបានចោទប្រកាន់រដ្ឋាភិបាលលោកខាងលិចថា បានជំរុញសមាជិក UN ឲ្យអនុម័តសេចក្តីសម្រេចមួយដែលអាចបង្កឲ្យមានអំពើហិង្សាបន្ថែមទៀត។
លោកបានអះអាងម្តងហើយម្តងទៀតថា សកម្មភាពរបស់រុស្ស៊ី គឺជាប្រតិបត្តិការយោធាពិសេស សំដៅបញ្ចប់ការវាយប្រហារដោយចេតនាលើជនស៊ីវិលនៅក្នុងសាធារណរដ្ឋដែលគាំទ្រដោយទីក្រុងមូស្គូគឺ Donetsk និង Luhansk នៅភាគខាងកើតប្រទេសអ៊ុយក្រែន។
ស្របពេលជាមួយគ្នានោះ លោក Nebenzia បានចោទប្រកាន់ថា កងកម្លាំងអ៊ុយក្រែនកំពុងប្រើប្រាស់ជនស៊ីវិលធ្វើជាខែលមនុស្ស និងដាក់ពង្រាយអាវុធធុនធ្ងន់នៅក្នុងតំបន់ស៊ីវិល៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Reuters
ចុចអាន៖ Abramovich ប្រកាសយកលុយពីការលក់ក្លិប Chelsea បរិច្ចាគឲ្យជនរងគ្រោះដោយសារសង្គ្រាម
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៥ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ