អាមេរិក ថា ការបញ្ជូនយន្តហោះចម្បាំងប៉ូឡូញ ទៅអ៊ុយក្រែន “ប្រឈមហានិភ័យខ្ពស់ណាស់” (មានវីដេអូ)

មន្ទីរបញ្ចកោណនិយាយថា ខ្លួននឹងមិនអនុញ្ញាតឲ្យមានការផ្ទេរយន្តហោះចម្បាំងប៉ូឡូញ ទៅកាន់ប្រទេសអ៊ុយក្រែននោះទេ ប៉ុន្តែបើកចំហរក្នុងការធ្វើការ ជាមួយសម្ព័ន្ធមិត្តនានា លើមធ្យោបាយផ្សេងទៀត ដើម្បីបង្កើនសមត្ថភាពការពារដែនអាកាសរបស់អ៊ុយក្រែន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាំពាក្យ John Kirby បាននិយាយថា រដ្ឋមន្ត្រីការពារជាតិអាមេរិក លោក Lloyd Austin បានផ្ញើសារនេះទៅកាន់សមភាគីប៉ូឡូញ Mariusz Błaszczak កាលពីព្រឹកថ្ងៃពុធទី០៩ខែមីនា។

ស្របពេលជាមួយគ្នានោះដែរ លោក Kirby បានកោតសរសើរចំពោះការប្រើប្រាស់យុទ្ធសាស្ត្ររបស់អ៊ុយក្រែន ដើម្បីទប់ស្កាត់ការវាយលុករបស់រុស្ស៊ី ប៉ុន្តែនិយាយថា ការបន្ថែមយន្តហោះទៅឲ្យអ៊ុយក្រែន ទំនងជាមិនផ្លាស់ប្តូរប្រសិទ្ធភាពរបស់អ៊ុយក្រែន ណាស់ណាទេ។

លោកបានកត់សម្គាល់ថា ការដាក់ពង្រាយយន្តហោះចម្បាំងដែលគ្រប់គ្រងដោយប៉ូឡូញ ពីមូលដ្ឋានទ័ពអាកាសដ៏សំខាន់របស់សហរដ្ឋអាមេរិកក្នុងប្រទេសអាល្លឺម៉ង់ ដូចដែលទីក្រុងវ៉ាស៊ូវី ស្នើឡើងគឺមានហានិភ័យខ្ពស់ណាស់ ហើយអាចធ្វើឲ្យរុស្ស៊ីច្រឡំថា ជារឿងបន្តភាពតានតឹង។

លោក​អះអាង​ថា “នោះ​មិន​ត្រឹម​តែ​មិន​ល្អ​សម្រាប់អង្គការ​ណាតូប៉ុណ្ណោះ​ទេ តែវាក៏​មិន​ល្អ​សម្រាប់​សហរដ្ឋ​អាមេរិក និង​សន្តិសុខ​ជាតិ​របស់​យើងដែរ”៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ BBC

ចុចអាន៖ លេចចេញសញ្ញាជម្លោះដ៏កម្រ ក្នុងចំណោមសម្ព័ន្ធមិត្ត អង្គការណាតូ