សង្គ្រាមរុស្ស៊ី-អ៊ុយក្រែន កំពុងធ្វើបាបប្រទេសក្រីក្រ ដោយសារតម្លៃទំនិញឡើងថ្លៃ

ប្រធានអង្គការសហប្រជាជាតិបានព្រមានថា ការវាយលុករបស់រុស្ស៊ីនៅអ៊ុយក្រែន កំពុងជះឥទ្ធិពលយ៉ាងខ្លាំងលើសេដ្ឋកិច្ចពិភពលោក ជាពិសេសលើប្រទេសក្រីក្រកំពុងអភិវឌ្ឍន៍ ដែលប្រឈមមុខនឹងការកើនឡើងតម្លៃអាហារ ប្រេងឥន្ធនៈ និងជី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អគ្គលេខាធិការ Antonio Guterres បានប្រាប់អ្នកសារព័ត៌មានកាលពីថ្ងៃអង្គារទី១៥ខែមីនាថា “រុស្ស៊ី និងអ៊ុយក្រែនតំណាងឲ្យជាងពាក់កណ្តាលនៃការផ្គត់ផ្គង់ប្រេងឆារបស់ពិភពលោក និងប្រហែល ៣០% នៃស្រូវសាលីរបស់ពិភពលោក”។

លោក​បាន​បន្ថែម​ថា​ “​តម្លៃ​គ្រាប់​ធញ្ញជាតិ​បានឡើង​លើស​តម្លៃ​នៅ​ពេលផ្ទុះបដិវត្ត Arab Spring និង​កុបកម្ម​ស្បៀងអាហារ​ឆ្នាំ ២០០៧ ដល់​២០០៨”។

ប្រទេសអភិវឌ្ឍន៍តិចតួចចំនួន៤៥ បាននាំចូលស្រូវសាលីយ៉ាងហោចណាស់មួយភាគបីពីអ៊ុយក្រែន និងរុស្ស៊ី ហើយ១៨ប្រទេសនាំចូលយ៉ាងតិច ៥០%។ ប្រទេសទាំងនេះរួមមានអេហ្ស៊ីប សាធារណរដ្ឋប្រជាធិបតេយ្យកុងហ្គោ ប៊ួគីណាហ្វាសូ លីបង់ លីប៊ី សូម៉ាលី ស៊ូដង់ និងយេម៉ែន។

លើសពីនេះ លោក Guterres ព្រមានថា រឿងទាំង​អស់​នេះ ​កំពុងធ្វើបាប​ប្រទេស​ក្រីក្រ​បំផុត ហើយ​បណ្តុះ​គ្រាប់ពូជ​សម្រាប់​អស្ថិរភាព​នយោបាយ និង​ភាព​ចលាចល​នៅជុំវិញ​ពិភពលោក។ ប្រទេសដែលងាយរងគ្រោះបំផុត បាននិងកំពុងព្យាយាមងើបឡើងវិញពីជំងឺរាតត្បាត កូវីដ១៩ រួចទៅហើយ ហើយប្រឈមនឹងអតិផរណា អត្រាការប្រាក់កើនឡើង និងបំណុលដែលលេចចេញមុនសង្គ្រាមអ៊ុយក្រែន៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Al Jazeera

ចុចអាន៖ មេដឹកនាំអឺរ៉ុប៣ប្រទេស ធ្វើទស្សនកិច្ចយ៉ាងភ្ញាក់ផ្អើលនៅអ៊ុយក្រែន ក្នុងគោលបំណងធំមួយ