កាន់តែក្តៅ! លោក បៃដិន ហៅលោក ពូទីន ថាជា “ឧក្រិដ្ឋជនសង្គ្រាម” (មានវីដេអូ)

ប្រធានាធិបតីអាមេរិកលោក ចូ បៃដិន បានហៅលោក វ្លាឌីមៀរ ពូទីន ថា “ឧក្រិដ្ឋជនសង្គ្រាម” ជាលើកដំបូង។

ថ្លែងទៅកាន់អ្នកសារព័ត៌មានបន្ទាប់ពីព្រឹត្តិការណ៍មួយនៅឯសេតវិមានកាលពីថ្ងៃពុធទី១៦ខែមីនា លោក នៃដិន បាននិយាយថា “ខ្ញុំគិតថា គាត់គឺជាឧក្រិដ្ឋជនសង្គ្រាម”។

នៅព្រឹកថ្ងៃដដែលនោះ រដ្ឋមន្ត្រីការបរទេសអាមេរិក លោក Antony Blinken បាននិយាយថា សហរដ្ឋអាមេរិកកំពុងសម្លឹងមើលយ៉ាងដិតដល់ ដើម្បីកំណត់ថាតើកងកម្លាំងរុស្ស៊ីមានចេតនាវាយប្រហារលើជនស៊ីវិលឬក៏អត់។

នៅពេលសួរឲ្យពន្យល់អំពីការអត្ថាធិប្បាយពីប្រធានាធិបតីបន្ថែមទៀត អ្នកនាំពាក្យសេតវិមាន លោកស្រី Jen Psaki បានអះអាងថា លោក បៃដិន គឺនិយាយចេញពីបេះដូងរបស់គាត់ ហើយនិយាយចេញពីអ្វីដែលយើងបានឃើញតាមកញ្ចក់ទូរទស្សន៍ ដែលជាសកម្មភាពព្រៃផ្សៃរបស់ជនផ្តាច់ការដ៏ឃោរឃៅ តាមរយៈការលុកលុយរបស់គាត់លើប្រទេសផ្សេង។

ទោះជាយ៉ាងណាក៏ដោយ លោកស្រីបានបន្ថែមថា ដំណើរការផ្លូវច្បាប់ដើម្បីស៊ើបអង្កេតការបញ្ជាក់អំពីឧក្រិដ្ឋកម្មសង្គ្រាម នៅតែបន្តនៅក្រសួងការបរទេស៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ BBC

ចុចអាន៖ លោក Zelensky ជំរុញឲ្យមន្រ្តីជាន់ខ្ពស់រុស្ស៊ី លាលែងតំណែង ប្រយ័ត្នហួសពេល