សាំងឡើងថ្លៃពេក បុរសម្នាក់យកប្រេងឆាចាក់ឡាន (មានវីដេអូ)

ជារឿងដ៏ហួសចិត្តមួយ ​ដែល​បុរស​ម្នាក់ ​ត្រូវ​បាន​គេ​ប្រទះ​ឃើញ​ យកប្រេងឆាទាំងដបៗចាក់ឡាន ស្របពេលដែលតម្លៃសាំង ឡើងថ្លៃទៅៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខណៈតម្លៃប្រេងឥន្ធនៈឡើងដល់កម្រិតខ្ពស់បំផុត អតិថិជនម្នាក់ត្រូវបានថត នៅខាងក្រៅហាងលក់ទំនិញ Tesco ក្នុងទីក្រុង Congleton នៃតំបន់ Cheshire ប្រទេសអង់គ្លេស កាលពីរសៀលថ្ងៃអង្គារទី១៥ខែមីនា។

នៅក្នុងវីដេអូ គាត់ត្រូវបានគេមើលឃើញនៅខាងក្រោយឡាន ជាមួយនឹងរទេះរុញដាក់ដបប្រេងឆា។ គាត់បានបើកដបម្តងមួយៗ ហើយចាក់ប្រេងឆាចូលក្នុងឡានរបស់គាត់។

Mark Rainford ដែលជាអ្នកថតវីដេអូឃ្លីបនេះបាននិយាយថា “ខ្ញុំបានថតវីដេអូ ហើយនៅពេលខ្ញុំដើរកាត់គាត់ គាត់បានបើកគម្របដប នោះហើយជាអ្វីដែលធ្វើឲ្យខ្ញុំសើច”។

ទោះបីជាយ៉ាងណាក៏ដោយ មនុស្សជាច្រើនបានណែនាំគាត់ថា ការយកប្រេងឆា​ ចាក់ជំនួសសាំង ធ្វើឲ្យមានហានិភ័យ ហើយអាចបណ្តាលឲ្យខូចម៉ាស៊ីនឡាន។

វីដេអូឃ្លីបនេះ ត្រូវបានថតស្របពេលតម្លៃសាំង និងប្រេងម៉ាស៊ូត កំពុងឡើងថ្លៃខ្លាំង ហើយរបស់របរប្រើប្រាស់ក្នុងផ្ទះនានា ក៏ឡើងថ្លៃដែរ។

នៅអង់គ្លេស តម្លៃសាំងជាមធ្យមបានឡើងដល់កម្រិតកំណត់ត្រា ១.៦៦ អឺរ៉ូ (ជិត ៨ ៨០០​ រៀល) ក្នុងមួយលីត្រ ចំណែកម៉ាស៊ូត ឡើងដល់ ១.៧៩អឺរ៉ូ (ជិត ៩ ៥០០ រៀល)៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ សាំងឡើងថ្លៃពេក ចោរនៅអាមេរិក ចាប់ផ្តើមដើរលួចបូមពីរថយន្ត