ព័ត៌មានអន្ដរជាតិ
មិនមានអ្នកនៅរស់ទេ ក្នុងហេតុការណ៍ធ្លាក់យន្តហោះនៅ ចិន (មានវីដេអូ)
មកទល់ពេលនេះ ក្រុមអ្នកជួយសង្រ្គោះមិនបានរកឃើញអ្នកនៅរស់រានមានជីវិតពី យន្តហោះដឹកមនុស្សចំនួន ១៣២ នាក់ ដែលបានធ្លាក់នៅលើភ្នំ ភាគខាងត្បូងប្រទេសចិននោះទេ។
ក្រុមអ្នកស៊ើបអង្កេតការធ្លាក់ ក៏មិនមានព័ត៌មានអំពីមូលហេតុដែលជើងហោះហើរ MU5735 របស់ក្រុមហ៊ុន China Eastern ធ្លាក់កាលពីថ្ងៃចន្ទទី២១ខែមីនា ផងដែរ។
ការងារសង្គ្រោះនៅកន្លែងធ្លាក់យន្តហោះ Boeing 737-800 ក្នុងខេត្ត Guangxi ត្រូវបានរារាំងដោយស្ថានភាពលំបាក។
លោក Zhu Tao នាយកការិយាល័យសុវត្ថិភាពអាកាសចរណ៍នៅ រដ្ឋបាលអាកាសចរណ៍ស៊ីវិលចិន បានប្រាប់អ្នកយកព័ត៌មានថា “រហូតមកដល់ពេលនេះ ការងារស្វែងរក និងជួយសង្គ្រោះមិនបានរកឃើញអ្នកនៅរស់ឡើយ។ តាមព័ត៌មានដែលយើងទទួលបានមកត្រឹមពេលនេះ យើងនៅតែមិនទាន់មានការវាយតម្លៃច្បាស់លាស់អំពីមូលហេតុនៃការធ្លាក់យន្តហោះ”។
គួរបញ្ជាក់ថា ជើងហោះហើររបស់ក្រុមហ៊ុន China Eastern Airlines មួយនេះ គឺចេញដំណើរពីទីក្រុង Kunming នៃខេត្ត Yunnan ហើយនឹងត្រូវចុះចតនៅទីក្រុង Guangzhou នៅរសៀលថ្ងៃចន្ទ។
ឥឡូវ ក្រុមហ៊ុនបានផ្អាកយន្តហោះប្រភេទ Boeing 737-800 ទាំងអស់របស់ខ្លួន និងបង្កើតបណ្តាញទូរសព្ទបន្ទាន់សម្រាប់មនុស្សដែលស្វែងរកព័ត៌មាន អំពីអ្នកដែលនៅលើយន្តហោះ។
ទោះបីជាយ៉ាងណាក៏ដោយ អាជ្ញាធរមិនទាន់កំណត់អត្តសញ្ញាណអ្នកដំណើរ និងសមាជិកអាកាសយានិកនៅឡើយទេ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ BBC
ចុចអាន៖ ថតជាប់ស្តែងៗ យន្តហោះចិន ធ្លាក់ដាំក្បាលចុះ បុកភ្នំ កាលពីម្សិលមិញ
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង