ព័ត៌មានអន្ដរជាតិ

ចិនថា អ្នករាល់គ្នាដឹងហើយ នរណាត្រូវបន្ទោសបំផុតរឿងសង្គ្រាមអ៊ុយក្រែន

បានផុស

២ years មុន

នៅ

ថ្ងៃសុក្រ ២៥ មីនា ២០២២

ដោយ

ក្រសួងការពារជាតិចិនបានហៅអាមេរិកថាជា«អ្នកភូតកុហក និងជាអ្នកបង្កបញ្ហា» និងបាននិយាយថា អ្នករាល់គ្នាដឹងហើយថា ប្រទេសណាជាអ្នកផ្តួចផ្តើមគំនិតដ៏ធំបំផុតចំពោះវិបត្តិអ៊ុយក្រែន។

អ្នកនាំពាក្យក្រសួង លោក Wu Qian កាលពីថ្ងៃព្រហស្បតិ៍បានអធិប្បាយលើការចោទប្រកាន់ពីមន្ត្រីអាមេរិកមិនបញ្ចេញឈ្មោះថា ទីក្រុងប៉េកាំងបានដឹងជាមុនអំពីការវាយប្រហាររបស់រុស្ស៊ីលើអ៊ុយក្រែន និងថា ចិនថែមទាំងបានស្នើសុំរដ្ឋាភិបាលក្រុងមូស្គូឲ្យពន្យារពេលរហូតដល់ចប់ព្រឹត្តិការណ៍កីឡាធអូឡាំពិករដូវរងានៅប៉េកាំងទៀតផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Wu បានថ្កោលទោសចំពោះការចោទប្រកាន់ទាំងនេះរួមទាំងរបាយការណ៍អំពីចិនដែលត្រូវបានចោទថា កំពុងផ្តល់ជំនួយយោធាដល់រុស្ស៊ី។ លោកនិយាយថា ជាព័ត៌មានមិនពិតទាំងស្រុងដែលមានគោលបំណងបម្រើតែខាងស្តីបន្ទោស និងបោកប្រាស់នៅចិន។

«ការចោទប្រកាន់បង្ហាញពីមុខមាត់ពិតរបស់អាមេរិកគឺជាអ្នកភូតកុហក និងជាអ្នកបង្កបញ្ហា»។ លោកបាននិយាយ និងបន្ថែមថា ប្រទេសចិនជំទាស់ដាច់អហង្កាចំពោះការផ្សព្វផ្សាយព័ត៌មានក្លែងក្លាយរបស់អាមេរិក និងព្យាបាទលើប្រទេសចិនពាក់ព័ន្ធនឹងបញ្ហាអ៊ុយក្រែន។

អ្នកនាំពាក្យក្រសួងការពារជាតិរូបនេះបានសង្កត់ធ្ងន់ថា សង្គ្រាមអ៊ុយក្រែនបានកើតចេញពីហេតុផលផ្សេងៗ និងក្នុងរង្វង់នៃបរិបទប្រវត្តិសាស្ត្រស្មុគស្មាញ ប៉ុន្តែបន្ថែមថា ៖«យើងទាំងអស់គ្នាយល់ថា អំណាចធំមួយដែលទទួលខុសត្រូវធំបំផុតសម្រាប់វិបត្តិនាពេលបច្ចុប្បន្ននេះគឺដូចក្នុងពាក្យចចាមអារ៉ាមជាក់ស្តែងនៅវ៉ាស៊ីនតោន»។

លោក Wu បាននិយាយថា ទីក្រុងប៉េកាំងត្រូវការគ្រប់ភាគីទាំងអស់រក្សាទ្វារបើកចំហរសម្រាប់ការចរចា ពិគ្រោះយោបល់ និងសន្ទនាដើម្បីបន្ថយស្ថានភាពនៅអ៊ុយក្រែន និងថា ចិននឹងដើរតួនាទីស្ថាបនាក្នុងការស្វែងរកសន្តិភាព៕

ប្រែសម្រួល៖ វីរបុត្រ
ប្រភព៖ RT