Connect with us

ព័ត៌មានអន្ដរជាតិ

ប្រទេសក្បែរខាង កម្ពុជា បញ្ជាក់ថ្ងៃប្រារព្ធពិធី បុណ្យចូលឆ្នាំថ្មី

បានផុស

នៅ

រដ្ឋាភិបាល​ឡាវ​បាន​កំណត់​យក​ថ្ងៃ​ទី១៣ ខែ​មេសា ឆ្នាំ ២០២២ ជា​ថ្ងៃ​ឈប់​សម្រាក​ទីមួយសម្រាប់ពិធីបុណ្យ​ចូល​ឆ្នាំ​ថ្មី​របស់​ឡាវ ឬហៅថា Pi Mai ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើទោះជាអនុញ្ញាតឲ្យប្រារព្ធពិធីបុណ្យចូលឆ្នាំថ្មីមែន ប៉ុន្តែសម្រាប់ខេត្ត Luang Prabang បានចេញសេចក្តីណែនាំសម្រាប់ការប្រារព្ធពិធីបុណ្យមួយនេះដោយសុវត្ថិភាពនៅក្នុងខេត្ត ដោយហាមលេងបាញ់ ឬជះទឹក ក៏ដូចជាវិធានការបង្ការជំងឺកូវីដ ១៩ ផងដែរ ។

ទន្ទឹមនោះ សេចក្តីជូនដំណឹងដែលចេញដោយការិយាល័យអភិបាលខេត្ត Luang Prabang បានលើកទឹកចិត្តដល់ការប្រារព្ធពិធីតូចៗនៅផ្ទះ ឬជាមួយក្រុមគ្រួសារ ខណៈដែលការប្រារព្ធជាក្រុមធំនឹងត្រូវហាមឃាត់ បើគ្មានការអនុញ្ញាតពីក្រុមការងារកូវីដរបស់ខេត្ត ។

ជាមួយគ្នានេះ ការលេងទឹកនៅតាមដងផ្លូវក៏នឹងត្រូវហាមឃាត់យ៉ាងតឹងរ៉ឹងផងដែរ ខណៈពេលដែលប្រជាពលរដ្ឋត្រូវបានលើកទឹកចិត្តឲ្យសម្អាតផ្ទះ និងទ្រព្យសម្បត្តិរបស់ពួកគេ មុនពេលថ្ងៃឈប់សម្រាកមកដល់ ។

គួរបញ្ជាក់ថា ដោយសារតែកូវីដកាលពីឆ្នាំ ២០២០ ឡាវបានផ្អាកការប្រារព្ធពិធីបុណ្យចូលឆ្នាំថ្មីរបស់ខ្លួនម្ដងរួចមកហើយ ដោយទើបតែឆ្នាំ ២០២១ ប្រទេសនេះបានប្រារព្ធពិធីសាជាថ្មី ដោយអនុញ្ញាតឲ្យអ្នកស្រុកចូលរួមក្នុងការប្រារព្ធពិធីជាមួយក្រុមគ្រួសាររបស់ពួកគេ នៅកន្លែងធ្វើការ និងនៅវត្តអារាម ស្របតាមទំនៀមទម្លាប់របស់ឡាវ ៕

ប្រែសម្រួលដោយ ៖ ជីវ័ន្ត

ប្រភព ៖ Laotian Times

ចុចអាន ៖ ចេញពី កម្ពុជា រដ្ឋមន្ត្រីការបរទេស អារ៉ាប៊ីសាអូឌីត យាងទៅប្រទេសក្បែរ ខាងមួយនេះទៀត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម