ព័ត៌មានអន្ដរជាតិ

លោក បៃដិន ស្នើកញ្ចប់ថវិកាច្រើនបំផុតមិនធ្លាប់មានដើម្បីធ្វើឲ្យយោធាល្អដាច់គេក្នុងលោក

បានផុស

៤ years មុន

នៅ

ថ្ងៃអង្គារ ២៩ មីនា ២០២២

ដោយ

ប្រធានាធិបតីសហរដ្ឋអាមេរិក លោក ចូ បៃដិន បានស្នើកញ្ចប់ថវិកាដើម្បីបង្កើនសមត្ថភាពយោធាច្រើនបំផុតមិនធ្លាប់មានដោយលោកស្នើទៅសភាចំនួន ៨១៣.៣ប៊ីលានដុល្លារអាមេរិកសម្រាប់ឆ្នាំ២០២៣ដែលច្រើនជាងថវិកាអនុម័តឆ្នាំ២០២២ដល់ទៅ៣១ប៊ីលានដុល្លារ។

សមាជិកសភាទំនងជាបន្ថែមថវិកាទៀតដោយសារតំណាងពីគណបក្សទាំងពីរបានត្អួញត្អែរថា វាមិនទាន់គ្រប់គ្រាន់ទេដោយសារអតិផរណា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក បៃដិន មានប្រសាសន៍ក្នុងសេចក្តីថ្លែងការណ៍កាលពីថ្ងៃចន្ទថា ៖«ខ្ញុំកំពុងអំពាវនាវឲ្យមានការវិនិយោគធំបំផុតមួយនៅក្នុងសន្តិសុខជាតិរបស់យើងជាប្រវត្តិសាស្ត្រដែលថវិកាត្រូវការដើម្បីធានាថា យោធារបស់យើងមានការត្រៀមខ្លួនបានល្អបំផុត ហ្វឹកហាត់បានល្អបំផុត បំពាក់សម្ភារទំនើបបំផុតក្នុងពិភពលោក»។

ខណៈពេលថវិកាដែលបានស្នើឡើងគឺជាចំនួនដុល្លារច្រើនបំផុតមិនធ្លាប់មានក្នុងប្រវត្តិសាស្ត្រអាមេរិក អតិផរណាមានន័យថា ក្នុងន័យពិតប្រាកដគឺវានឹងកើនឡើង១.៥%ជាង៤%។

យោងតាម Politico ថា គណបក្សប្រជាធិបតេយ្យ និងសាធារណៈដូចគ្នានៅ Capitol Hill បានជំរុញឲ្យបង្កើនឡើង៥ទៅ៧%។ សភាបានអនុម័យកញ្ចប់ថវិកាចំនួន៧៨២ប៊ីលានដុល្លារសម្រាប់ឆ្នាំ២០២២នេះ។

សេចក្តីព្រាងសេតវិមានស្វែងរកថវិកា៧៧៣ប៊ីលានដុល្លារសម្រាប់មន្ទីរបញ្ចកោណតែមួយ ខណៈប្រាក់ផ្សេងទៀតទៅក្រសួងថាមពលដែលរក្សាអាវុធនុយក្លេអ៊ែរអាមេរិក។

យោងតាមឯកសារថវិកាបានបង្ហាញថា លោក បៃដិន កំពុងស្នើសុំថវិកា៦៨២លានដុល្លារបន្ថែមទៀតសម្រាប់អ៊ុយក្រែនដើម្បីប្រឆាំងនឹងឥទ្ធិពលរុស្ស៊ី និងបំពេញតម្រូវការពាក់ព័ន្ធនឹងសន្តិសុខ ថាមពល បញ្ហាសន្តិសុខអ៊ីនធឺណេត ព័ត៌មានក្លែងក្លាយ ស្ថេរភាពម៉ាក្រូសេដ្ឋកិច្ច និងភាពធន់នឹងសង្គមស៊ីវិល៕

ប្រែសម្រួល៖ វីរបុត្រ
ប្រភព៖ CNN

Related Topics:សហរដ្ឋអាមេរិក