ក្រោយសប្បាយបុណ្យចូលឆ្នាំថ្មីរួច ថៃ ស្នើបុគ្គលិកគ្រប់វិស័យធ្វើការពីផ្ទះ ៧ ថ្ងៃ និងតេស្តរហ័សជាប្រចាំ (មានវីដេអូ)

ក្រសួងសុខភាពសាធារណៈថៃបានជំរុញដល់អង្គភាពអាជីវកម្ម និងគ្រប់វិស័យអនុញ្ញាតឲ្យបុគ្គលិករបស់ពួកគេ​ធ្វើ​ការ​ពី​ផ្ទះ​រយៈពេល ៧ ថ្ងៃដើម្បី​ទប់ស្កាត់​ការ​ឆ្លងរាលដាលជំងឺកូវីដ ១៩ ខ្លាំងឡើងៗ ​បន្ទាប់​ពី​ឈប់​សម្រាក​បុណ្យ​សង្ក្រាន្តចូលឆ្នាំថ្មី ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Chakrarat Pittawawanganon ប្រធាននាយកដ្ឋានប្រយុទ្ធនឹងជំងឺឆ្លងបាននិយាយកាលពីថ្ងៃអាទិត្យថា “នៅពេលដែលពិធីបុណ្យសង្ក្រាន្តត្រូវបានបញ្ចប់ ចំនួនករណីអាចកើនឡើងពី ២០ ទៅ ៣០ ភាគរយ” ។

លោកបានជំរុញឲ្យស្ថាប័នរដ្ឋ និងក្រុមហ៊ុនឯកជនអនុវត្តគោលនយោបាយធ្វើការពីផ្ទះរយៈពេល ៥ ទៅ ៧ ថ្ងៃ និងធ្វើតេស្តរហ័សរកកូវីដជាប្រចាំដើម្បីជួយទប់ស្កាត់ការរីករាលដាលមេរោគនៅកន្លែងធ្វើការ ។

ទន្ទឹមនឹងនេះ លោក Supot Malaniyom អគ្គលេខាធិការក្រុមប្រឹក្សាសន្តិសុខជាតិ និងជានាយកមជ្ឈមណ្ឌលប្រតិបត្តិការរបស់រដ្ឋបាលស្ថានភាពជំងឺកូវីដ ១៩ (CCSA) បាននិយាយថា ទីភ្នាក់ងារនឹងជួបប្រជុំគ្នានៅសប្តាហ៍នេះដើម្បីវាយតម្លៃនិន្នាការឆ្លង បន្ទាប់ពីរយៈពេលនៃថ្ងៃឈប់សម្រាកបុណ្យសង្រ្កាន្ត ។

គួរបញ្ជាក់ថា កាលពីថ្ងៃអាទិត្យប្រទេសថៃបានប្រកាសពីការរកឃើញករណីឆ្លងថ្មីនៃជំងឺកូវីដ ១៩ ចំនួន ១៧,៧៧៥ ករណី ខណៈមនុស្ស ២៤,៥៤៥ នាក់បានជាសះស្បើយ និងអ្នកជំងឺ ២១៤,៥៥៤ នាក់នៅតែកំពុងសម្រាកព្យាបាល ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ​៖ Bangkok Post

ចុចអាន ៖ ថៃ រៀបចំសំណើដាក់ បង្អែមបាយដំណើបស្វាយទុំ ចូលជាបេតិកភណ្ឌ យូណេស្កូ បន្ទាប់ពី Milli ធ្វើរឿងដ៏កក្រើកនៅ អាមេរិក