ថៃ រៀបចំសំណើដាក់ បង្អែមបាយដំណើបស្វាយទុំ ចូលជាបេតិកភណ្ឌ យូណេស្កូ បន្ទាប់ពី Milli ធ្វើរឿងដ៏កក្រើកនៅ អាមេរិក

នាយកដ្ឋានផ្សព្វផ្សាយវប្បធម៌របស់ប្រទេសថៃ កំពុងរៀបចំដាក់បង្អែម បាយដំណើបស្វាយទុំ ដ៏ល្បីល្បាញ ចូលក្នុងបញ្ជី បេតិកភណ្ឌវប្បធម៌អរូបី មួយទៀតរបស់អង្គការយូណេស្កូ បន្ទាប់ពីតារារ៉េបថៃ បានផ្សព្វផ្សាយបង្អែមនេះ ក្នុងអំឡុងពេលសម្តែងនៅឯការប្រគុំតន្ត្រីអន្តរជាតិ Coachella។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារារ៉េបស្រីថៃអាយុ១៩ឆ្នាំ Danupa “Milli” Kanateerakul ត្រូវបានក្រុមហ៊ុន 88rising អញ្ជើញឲ្យចូលរួមក្នុងកម្មវិធី Coachella Valley Music and Arts Festival 2022 នៅរដ្ឋកាលីហ្វ័រញ៉ា សហរដ្ឋអាមេរិក កាលពីម្សិលមិញ។ នាងក្លាយ​ជា​សិល្បការិនី​ថៃ​ដំបូង​គេ ​ដែល​បាន​ឡើង​សម្ដែង​លើ​ឆាកនេះ ហើយ Hashtag #MILLILiveatCoachella ស្ថិតនៅលេខរៀងទី១នៃ Twitter របស់ប្រទេសថៃ។

នៅចុងបញ្ចប់នៃការសម្តែង Milli បាននាំយកបង្អែមបាយដំណើបស្វាយទុំមួយចាន មកលើឆាក ហើយអញ្ជើញទស្សនិកជនឲ្យភ្លក់។ ហើយ​ដោយសារតែឥទ្ធិពលនៃបណ្តាញ​សង្គម បាន​ធ្វើឲ្យបង្អែមបាយដំណើបស្វាយទុំ ​លក់​ដាច់​ស្ទើរ​គ្រប់​ហាង​ក្នុង​ប្រទេស​ថៃ​កាលពី​ម្សិលមិញ។

ប្រធាននាយកដ្ឋានផ្សព្វផ្សាយវប្បធម៌ថៃ Chai Nakhonchai បានចែករំលែកថា Milli បានជួយលើកមុខមាត់របស់ប្រទេសថៃ ទៅកាន់អន្តរជាតិ នៅពេលដែលនាងញ៉ាំបង្អែមនេះ នៅលើឆាក។

Chai Nakhonchai បានប្រាប់ប្រព័ន្ធផ្សព្វផ្សាយថៃថា បង្អែមនេះគឺស្ថិតក្នុងបញ្ជីដែលនាយកដ្ឋានគ្រោងនឹងស្នើទៅអង្គការយូណេស្កូ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Thaiger

ចុចអាន៖ លី អ៊ីវ៉ាធីណា បាត់បង់មនុស្សជាទីស្រលាញ់ ក្រោយពិធីបុណ្យចូលឆ្នាំខ្មែរ ១ ថ្ងៃ