ព័ត៌មានអន្ដរជាតិ
តើលោក Putin និងប្រមុខ UN និយាយអ្វីខ្លះ ក្នុងកិច្ចពិភាក្សានៅ មូស្គូ? (មានវីដេអូ)
លោក Vladimir Putin បានជួបពិភាក្សាជាមួយអគ្គលេខាធិការអង្គការសហប្រជាជាតិ (UN) លោក Antonio Guterres ដែលកំពុងបំពេញទស្សនកិច្ចនៅទីក្រុង មូស្គូ។
លោក Putin និយាយថា ការពិភាក្សាជាមួយអ៊ុយក្រែន នឹងបន្តជាទម្រង់អនឡាញ ហើយសង្ឃឹមថា កិច្ចចរចានឹងផ្តល់លទ្ធផលវិជ្ជមាន។
ដោយយោងទៅលើស្ថានភាពបច្ចុប្បន្ននៅទីក្រុង Mariupol ដែលលោក Putin ពណ៌នាថា “ស្មុគស្មាញ និងសោកនាដកម្ម”, លោកបានបញ្ជាក់ថា ប្រតិបត្តិការយោធារុស្ស៊ីលែងមានទៀតហើយនៅក្នុងទីក្រុងដែលត្រូវបានឡោមព័ទ្ធមួយនេះ។
ស្របពេលជាមួយគ្នានោះ UN និយាយថា លោក Putin បានយល់ព្រម ជាគោលការណ៍ ចំពោះការចូលរួមរបស់ UN និងគណៈកម្មាធិការកាកបាទក្រហមអន្តរជាតិ (ICRC) ក្នុងការជម្លៀសជនស៊ីវិលចេញពីរោងចក្រដែកដែលត្រូវបានឡោមព័ទ្ធនៅទីក្រុង Mariupol ភាគខាងត្បូងប្រទេសអ៊ុយក្រែន។
ប្រធានាធិបតីរុស្ស៊ីអះអាងថា ទាហានអ៊ុយក្រែនកំពុងយកជនស៊ីវិល ធ្វើជាខែលការពារមនុស្សនៅរោងចក្រដែក Azovstal ហើយកងកម្លាំងរុស្ស៊ីមិនបានរារាំងពួកគេពីការចាកចេញនោះទេ។
ម្យ៉ាងវិញទៀត លោក Putin បានប្រាប់លោក Guterres ថា “យើងនៅតែរំពឹងនិងសង្ឃឹមថា យើងនឹងអាចសម្រេចបាននូវកិច្ចព្រមព្រៀងតាមរយៈបណ្តាញការទូត”។
លោកនិយាយថា កិច្ចពិភាក្សានាពេលថ្មីៗនេះនៅទីក្រុងអ៊ីស្តង់ប៊ុល ប្រទេសតួកគី បានឈានដល់របកគំហើញ ប៉ុន្តែកិច្ចពិភាក្សាត្រូវអន្តរាយបន្ទាប់ពីមានរបាយការណ៍អំពីអំពើឃោរឃៅប្រឆាំងនឹងជនស៊ីវិលនៅក្នុងទីក្រុង Bucha ប្រទេសអ៊ុយក្រែន។ លោកអះអាងថា ទាំងនេះគឺជាការបង្កហេតុ ហើយបន្ថែមថា កងទ័ពរុស្ស៊ីមិនមានអ្វីពាក់ព័ន្ធនឹងរឿងនោះទេ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ BBC, Al Jazeera
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត