អង់គ្លេស ឲ្យ រុស្ស៊ី ចាត់ទុកទាហានស៊ីឈ្នួលដែលចាប់ធ្វើឈ្លើយសឹក ជាយោធា អ៊ុយក្រែន ក្រោមច្បាប់មនុស្សធម៌

រដ្ឋមន្ត្រីការបរទេសអង់គ្លេសសម្រាប់អឺរ៉ុប និងអាមេរិកខាងជើងលោក James Cleverly បាននិយាយកាលពីថ្ងៃអង្គារថា ទាហានស៊ីឈ្នួលបរទេសដែលកំពុងប្រយុទ្ធនៅខាងកងកម្លាំងប្រដាប់អាវុធអ៊ុយក្រែន ហើយត្រូវបានរុស្ស៊ីចាប់ធ្វើជាឈ្លើយសឹក គួរតែត្រូវបានចាត់ទុកជាទាហានអ៊ុយក្រែន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Cleverly បានប្រាប់សភា នៅពេលត្រូវបានសួរអំពីជោគវាសនារបស់ពលរដ្ឋចក្រភពអង់គ្លេសដែលបានចុះចាញ់នៅទីក្រុង Mariupol ថា “ខ្ញុំបានពិភាក្សាអំពីបញ្ហាអ្នកប្រយុទ្ធស្ម័គ្រចិត្តបរទេសជាមួយរដ្ឋាភិបាលអ៊ុយក្រែនរួចហើយ ។ អ្នកប្រយុទ្ធក្រោមទង់ជាតិអ៊ុយក្រែន និងការពារអ៊ុយក្រែនគួរតែត្រូវបានចាត់ទុកជាយោធាអ៊ុយក្រែន និងចាត់ទុកជាអ្នកទោសសង្រ្គាមជាមួយនឹងការការពារទាំងអស់ពីច្បាប់មនុស្សធម៌” ។

កាលពីសប្តាហ៍មុន ពលរដ្ឋអង់គ្លេស ២ នាក់គឺលោក Aiden Aslin និង Shaun Pinner បានងាកទៅរកនាយករដ្ឋមន្ត្រីអង់គ្លេស Boris Johnson ជាមួយនឹងសំណើដើម្បីជួយសម្រួលដល់ការដោះដូររបស់ពួកគេជាមួយអ្នកនយោបាយប្រឆាំងអ៊ុយក្រែនលោក Viktor Medvedchuk បន្ទាប់ពីបានចុះចាញ់នឹងកងកម្លាំងរុស្ស៊ីនៅអ៊ុយក្រែន ។

ទន្ទឹមនោះនៅថ្ងៃទី ១៦ ខែមេសា ភរិយាលោករបស់ Medvedchuk គឺលោកស្រី Oksana Marchenko បានអំពាវនាវទៅកាន់សាច់ញាតិរបស់ជនជាតិអង់គ្លេសដែលចាប់ធ្វើជាឈ្លើយសឹក ដោយស្នើឲ្យពួកគេសុំទីក្រុងឡុងដ៍ដោះដូរពួកគេជាប្តីរបស់លោកស្រី ។

មិនបានប៉ុន្មានផងនៅថ្ងៃទី ២០ ខែមេសា លោក Johnson បានអំពាវនាវឲ្យរុស្ស៊ីប្រព្រឹត្តចំពោះយុទ្ធជនអង់គ្លេសនៅអ៊ុយក្រែន “ដោយមនុស្សធម៌ និងដោយក្តីមេត្តា” ផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ រុស្ស៊ី ថា អាមេរិក កំពុងបញ្ជាឲ្យ ណាតូ ពង្រីកទឹកដី