ព័ត៌មានអន្ដរជាតិ

លោក បៃដិន ថា ពូទីន កំពុងគ្មានផ្លូវចេញពីសង្គ្រាម អ៊ុយក្រែន (មានវីដេអូ)

បានផុស

២ years មុន

នៅ

ថ្ងៃអង្គារ ១០ ឧសភា ២០២២

ដោយ

ប្រធានាធិបតីសហរដ្ឋអាមេរិកលោក ចូ បៃដិន បាននិយាយថា លោកមានការព្រួយបារម្ភចំពោះលោក វ្ល៉ាឌីមៀ ពូទីន ថាពេលនេះកំពុងគ្មានផ្លូវចេញពីសង្រ្គាមអ៊ុយក្រែន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងនៅឯកម្មវិធីរៃអង្គាសថវិកានយោបាយនៅជាយក្រុងវ៉ាស៊ីនតោនកាលពីថ្ងៃចន្ទ លោក បៃដិន បាននិយាយថា លោក ពូទីន គិតខុសចំពោះសង្គ្រាមលុកលុយលើអ៊ុយក្រែន ។ លោក ពូទីន គិតថាសង្គ្រាមនេះនឹងបំបែកបំបាក់អង្គការណាតូ និងសហភាពអឺរ៉ុប ។

លោក បៃដិន បញ្ជាក់ថា ប៉ុន្តែផ្ទុយទៅវិញ សហរដ្ឋអាមេរិក និងប្រទេសអឺរ៉ុបជាច្រើនបែរជាប្រមូលផ្តុំគ្នាទៅខាងអ៊ុយក្រែន ហើយផ្ដល់ជំនួយសំខាន់ៗជាបន្តបន្ទាប់ទៅកាន់ទីក្រុងកៀវ ។

លោក បៃដិន បាននិយាយថា ពូទីន គឺជាមនុស្សចេះឈ្លាសវៃ គិតរហ័ស ប៉ុន្តែបញ្ហាដែលគាត់ព្រួយបារម្ភនៅពេលនេះគឺថា មេដឹកនាំរុស្ស៊ីរូបនេះមិនមានផ្លូវចេញពីអ៊ុយក្រែនទេ ហើយខ្ញុំកំពុងព្យាយាមរកឲ្យឃើញនូវអ្វីដែលយើងធ្វើអំពីរឿងនោះ” ។

គួរបញ្ជាក់ថា រហូតមកដល់ពេលនេះសង្គ្រាមលុកលុយរបស់រុស្ស៊ីលើអ៊ុយក្រែនដែលលោក ពូទីន ហៅថាជា “ប្រតិបត្តិការយោធាពិសេស” បានអូសបន្លាយពេលជាង ២ ខែមកហើយ បន្ទាប់ពីការចាប់ផ្ដើមវាយលុកលើទីក្រុងកៀវកាលពីថ្ងៃទី ២៤ ខែកុម្ភៈ ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ Al Jazeera

ចុចអាន ៖ មកដឹង ថេរវេលាដែលលោក ពូទីន ថ្លែងសុន្ទរកថាក្នុង “ទិវាជ័យជម្នះ ៩ ឧសភា”