មកដឹង ថេរវេលាដែលលោក ពូទីន ថ្លែងសុន្ទរកថាក្នុង “ទិវាជ័យជម្នះ ៩ ឧសភា”

ប្រធានាធិបតីរុស្ស៊ីលោក វ្ល៉ាឌីមៀ ពូទីន កាលពីថ្ងៃចន្ទបានថ្លែងសុន្ទរកថាត្រឹមតែ ១១ នាទីប៉ុណ្ណោះក្នុង “ទិវាជ័យជម្នះ ៩ ឧសភា” នាទីលានក្រហមកណ្ដាលទីក្រុងមូស្គូ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មុនការថ្លែងនោះពិភពលោកមានការយកចិត្តទុកដាក់យ៉ាងខ្លាំង ជាពិសេសភ័យខ្លាចលើលោក ពូទីន ប្រកាសសង្គ្រាមលើអ៊ុយក្រែន ព្រោះជាថ្ងៃដែលសហភាពសូវៀតក៏ប្រកាសជ័យជម្នះលើពួកណាស៊ីអាល្លឺម៉ង់ក្នុងសង្គ្រាមលោកលើកទី ២ កាលពីឆ្នាំ ១៩៤៥ ។

ប៉ុន្តែផ្ទុយទៅវិញលោក ពូទីន មិនបានថ្លែងច្រើនពាក់ព័ន្ធនឹងសង្គ្រាមលុកលុយលើអ៊ុយក្រែន ក៏ដូចជាការវាយតម្លៃណាមួយក្នុងប្រតិបត្តិការយោធាពិសេសនេះនោះទេ ។

លោក ពូទីន និយាយយ៉ាងខ្លីថា ការសម្រេចចិត្តបើកប្រតិបត្តិការយោធាពិសេសលើប្រទេសអ៊ុយក្រែននៅថ្ងៃទី ២៤ ខែកុម្ភៈ គឺជាជម្រើសត្រឹមត្រូវតែមួយគត់ក្នុងកាលៈទេសៈនេះ ហើយយើងនឹងកម្ចាត់ពួកណាស៊ីក្នុងប្រទេសអ៊ុយក្រែន ។

ចំណែកនៅចុងបញ្ចប់សុន្ទរកថារយៈពេល ១១ នាទីនោះ លោក ពូទីន បាននិយាយពាក្យថា សូមដឹងគុណកងកម្លាំងប្រដាប់អាវុធរបស់យើង សម្រាប់ប្រទេសរុស្ស៊ី និងដើម្បីជ័យជម្នះ ៕

ប្រែសម្រួលដោយ ៖ ជីវ័ន្ត

ប្រភព ៖ BBC

ចុចអាន ៖ រុស្ស៊ី លុបចោលក្បួនបង្ហាញយន្តហោះលើអាកាសក្នុង “ទិវាជ័យជម្នះ” ដោយសារបញ្ហាមួយ