ព័ត៌មានអន្ដរជាតិ
លោក Zelensky ចុះហត្ថលេខា រើសទាហាននិងបន្តច្បាប់អាជ្ញាសឹក ៩០ថ្ងៃទៀត (មានវីដេអូ)
ប្រធានាធិបតីអ៊ុយក្រែនលោក Volodymyr Zelensky បានចុះហត្ថលេខាលើអនុក្រឹត្យ ដើម្បីបន្តច្បាប់អាជ្ញាសឹក និងរើសទាហានរយៈពេល៩០ថ្ងៃទៀតនៅក្នុងប្រទេស ដោយចាប់ផ្តើមពីថ្ងៃទី២៥ខែឧសភាទៅ។
ឯកសារត្រូវបានដាក់ទៅសភាអ៊ុយក្រែនរួចហើយ ហើយចាំបាច់ត្រូវទទួលបានការអនុម័តដោយតំណាងរាស្រ្តយ៉ាងហោចពាក់កណ្តាល។
ច្បាប់អាជ្ញាសឹក ត្រូវបានអនុវត្តនៅក្នុងប្រទេសនេះកាលពីថ្ងៃទី២៤ខែកុម្ភៈ ដែលជាថ្ងៃនៃការលុកលុយរបស់រុស្ស៊ីខណៈ ច្បាប់អាជ្ញាសឹករយៈពេល៣០ថ្ងៃ ត្រូវបានពង្រីកពីរដងរួចទៅហើយ។
អនុក្រឹត្យដំបូងរបស់លោក Zelensky ស្តីពីការកែនទ័ពគឺមានរយៈពេល៩០ថ្ងៃ ហើយត្រូវបានអនុវត្តទៅគ្រប់តំបន់នៃប្រទេសអ៊ុយក្រែន។
កាលពីសប្តាហ៍មុន រដ្ឋមន្ត្រីការពារជាតិអ៊ុយក្រែននិយាយថា លោកសង្ឃឹមថានឹងបំពាក់អាវុធដល់យុទ្ធជនចំនួនមួយលាននាក់ ខណៈដែលប្រទេសនេះ ត្រៀមខ្លួនសម្រាប់ សង្រ្គាមដំណាក់កាលថ្មីដ៏វែងឆ្ងាយ។
គួរបញ្ជាក់ថា នៅអ៊ុយក្រែន ច្បាប់អាជ្ញាសឹក បានផ្តល់អំណាចដល់ថ្នាក់ដឹកនាំយោធា ក្នុងការធ្វើអន្តរាគមន៍នៅតាមតំបន់មានជនស៊ីវិលរស់នៅ ឧទាហរណ៍ដូចជាការដាក់បម្រាមគោចរ ហាមឃាត់ការធ្វើដំណើរ និងអនុវត្តការឆែកឆេរតាមផ្ទះ និងយានជំនិះរបស់ជនស៊ីវិលជាដើម។
ច្បាប់នេះក៏ផ្អាកសិទ្ធិដែលជនស៊ីវិលមានក្នុងពេលសន្តិភាពផងដែរ ដូចជា៖
- ភាពមិនអាចរំលោភលើគេហដ្ឋានឯកជន
- សិទ្ធិក្នុងការឆ្លើយឆ្លងឯកជន និងការសន្ទនាតាមទូរសព្ទ
- សិទ្ធិសេរីភាពក្នុងការធ្វើចលនា រួមទាំងការចាកចេញពីប្រទេស អ៊ុយក្រែន ផងដែរ
- សិទ្ធិក្នុងការជួបជុំ ការប្រមូលផ្តុំ ការហែក្បួន និងបាតុកម្មដោយសន្តិវិធី
- សិទ្ធិធ្វើការ អនុវត្តសកម្មភាពសហគ្រិន និងធ្វើកូដកម្ម
- សិទ្ធិទទួលបានការអប់រំ
នៅក្រោមច្បាប់អាជ្ញាសឹកចាប់តាំងពីការលុកលុយមក បម្រាមគោចរត្រូវបានដាក់ចេញនៅតាមទីក្រុងនានាទូទាំងប្រទេស។
បុរសដែលមានអាយុពី ១៨ ដល់ ៦០ឆ្នាំ ត្រូវបានហាមឃាត់មិនឲ្យចាកចេញពីប្រទេស បើទោះបីជាមានករណីលើកលែងមួយចំនួន ដូចជាឪពុកដែលមានកូនលើសពី៣នាក់ក៏ដោយ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ BBC
-
ចរាចរណ៍៤ ថ្ងៃ ago
ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់
-
ជីវិតកម្សាន្ដ១ សប្តាហ៍ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
ព័ត៌មានអន្ដរជាតិ៧ ថ្ងៃ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ព័ត៌មានជាតិ១ ថ្ងៃ ago
សម្តេចតេជោ ហ៊ុន សែន សម្រេចជួយកសាងកុដិ-ទិញដីពង្រីកវត្តសម្រាប់ព្រះសង្ឃ និងកូននេនសីហា
-
បច្ចេកវិទ្យា៨ ម៉ោង ago
កុំពឹងផ្អែកលើប្រព័ន្ធសន្តិសុខ App ធនាគារទាំងស្រុង ត្រូវពង្រឹងសុវត្ថិភាពបន្ថែម
-
ព័ត៌មានអន្ដរជាតិ៥ ថ្ងៃ ago
រូបភាពបុរសម្នាក់លើឆ្នេរ អង់គ្លេស ក្លាយជាព័ស្តុតាងថា បានឆ្លងភពចូលមកឆ្នាំ ១៩៤៣
-
ព័ត៌មានជាតិ៦ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស
-
ព័ត៌មានអន្ដរជាតិ៥ ថ្ងៃ ago
តើទីក្រុងណា ស្ទះចរាចរណ៍ខ្លាំងជាងគេ នៅអាស៊ីអាគ្នេយ៍?