ព័ត៌មានអន្ដរជាតិ

សុបិនក្លាយជាការពិត លោកតាអាយុ ៨៦ ឆ្នាំ ថតរូប Pre-Wedding លើកដំបូងក្នុងឆាកជីវិត

បានផុស

៩ ខែ មុន

នៅ

ថ្ងៃអង្គារ ៣១ ឧសភា ២០២២

ដោយ

លោកតាអាយុ៨៦ឆ្នាំម្នាក់ រស់នៅជាមួយភរិយាតាំងពីអាយុ២០ឆ្នាំមកម៉្លេះ ប៉ុន្តែមិនដែលមានរូបថតគូស្នេហ៍ដូចគេនោះទេ។ ខណៈអ្នកថតរូបមួយគូ ឃើញបែបនេះក៏បានរៀបចំថតរូប Pre-Wedding ជាលើកដំបូង ក្នុងជីវិតជូនពួកគាត់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាងថតរូបនោះមានឈ្មោះថា Khun Itthiphat Attho អាយុ ៣៧ ឆ្នាំ ជាអ្នកថតរូបឯករាជ្យមកពីខេត្ត Suphan Buri បានបង្ហើបថា គាត់ជាអ្នកថតរូបឯករាជ្យ។ គាត់បានធ្វើការថតរូបអស់រយៈពេលជាង ១៨ ឆ្នាំមកហើយ ហើយការថតរូបរបស់គាត់ភាគច្រើន គឺសម្រាប់ពិធីមង្គលការ និងរូបថត Pre-wedding របស់កូនក្រមុំ និងកូនកំលោះ ។

លោក Khun បាននិយាយថា ថ្ងៃនោះខ្ញុំបានទៅអង្គុយជជែកជាមួយតា វ៉ុង អាយុ ៨៦ ឆ្នាំ និងយាយ ឃ្លីន អាយុ ៨៥ ឆ្នាំ ដែលជាអ្នកជិតខាង។ គូស្នេហ៍មួយគូនេះបាននិយាយថា ពួកគាត់បានរួមរស់ជាមួយគ្នាអស់រយៈពេលជាង ៦៥ ឆ្នាំមកហើយក្នុងនាមជាប្ដីប្រពន្ធ។ ប៉ុន្តែអត់មានរូបអាពាហ៍ពិពាហ៍នោះទេ។ ដូច្នេះ ទើបលោកបានឲ្យមិត្តស្រីរបស់លោកទៅតុបតែងខ្លួន និងយករ៉ូបកូនក្រមុំមកឲ្យលោកយាយស្លៀក។ ចំណែកខ្លួនវិញបានថត Pre-wedding ឲ្យគាត់។

យ៉ាងណាមិញ ក្រោយរូបថត Pre-Wedding របស់លោកតានិងលោកយាយបានបង្ហោះចេញ ក្រោមស្នាដៃរបស់ជាងថតរូបនោះក៏មានការសាទរនិងសប្បាយរីករាយជាខ្លាំង។ ជាពិសេសនោះគឺ ម្នាក់ៗពោលពាក្យខមិនថាពិតជាស្រស់ស្អាតខ្លាំងណាស់ សម្រាប់គូស្នេហ៍វ័យចំណាស់មួយគូនេះ៕