Connect with us

ព័ត៌មានអន្ដរជាតិ

មកដឹងចំនួនម៉ាសដែល កូរ៉េខាងជើង ទិញប្រើ តាំងពីផ្ទុះកូវីដ

បានផុស

នៅ

យោងតាមទិន្នន័យពាណិជ្ជកម្មដែលចេញផ្សាយដោយទីក្រុងប៉េកាំងបានបង្ហាញថា កូរ៉េខាងជើងបានទិញម៉ាសពីប្រទេសចិនច្រើនជាង ១០.៦ លានម៉ាស បន្ទាប់ពីផ្ទុះឆ្លងជំងឺកូវីដ ១៩ កាលពីពាក់កណ្ដាលខែឧសភា ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២ សប្តាហ៍បន្ទាប់ពីប្រព័ន្ធផ្សព្វផ្សាយរដ្ឋបានប្រកាសពីការផ្ទុះឡើងនៃមេរោគនេះ កូរ៉េខាងជើងមានការព្រួយបារម្ភយ៉ាងខ្លាំងអំពីកង្វះវ៉ាក់សាំង ការផ្គត់ផ្គង់ផ្នែកវេជ្ជសាស្រ្ត និងកង្វះអាហារជាដើម ។

ទន្ទឹមនោះការបញ្ជាទិញនេះក៏កើតឡើង បន្ទាប់ពីប្រទេសកូរ៉េខាងជើងបានបិទព្រំដែនរបស់ខ្លួនចំពោះពាណិជ្ជកម្មស្ទើរតែទាំងអស់សម្រាប់ការពារការឆ្លងរាលដាលកូវីដជិត ៣ ឆ្នាំ ហើយទើបតែអនុញ្ញាតឲ្យមានការផ្គត់ផ្គង់ផលិតផលចូលប្រទេសតាមរថភ្លើង និងកប៉ាល់ពីប្រទេសចិនកាលពីប៉ុន្មានសប្ដាហ៍មុននេះប៉ុណ្ណោះ ។

ស្របពេលជាមួយគ្នានេះ ចិនក៏បាននាំឧបករណ៍ជំនួយខ្យល់ដកដង្ហើមប្រមាណ ១,០០០ គ្រឿង និងឧបករណ៍តេស្តរហ័សរកកូវីដ ក៏ដូចជាសម្លៀកបំពាក់ការពារមេរោគក្នុងតម្លៃ ២៦៦,៨៩១ ដុល្លារទៅកាន់ប្រទេសកូរ៉េខាងជើងផងដែរ ។

គួរបញ្ជាក់ រហូតមកដល់ពេលនេះកូរ៉េខាងជើងបានកត់ត្រាករណីឆ្លងជាង ៤.៥ លានករណី និងមានអ្នកស្លាប់ចំនួន ៧៣ នាក់ ខណៈមានអ្នកជាសះស្បើយជាង ៤ លាននាក់ផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ REUTERS

ចុចអាន ៖ កម្រណាស់! លោក គីម ជុងអ៊ុន ស្រក់ទឹកភ្នែក ពេលមើលរូបសេនាប្រមុខ ដែលស្លាប់ទៅ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម